اسلام آباد ۔ 11 جون (اے پی پی) بنجاھی وزیر اھوالکاری ءُ شنگ کاری سنیٹر شبلی فراز ءَ گوشت کہ خواضہ آصف ءِ گشتانک کورونا وائرس ءِ ھوپ ءِ سبب ءَ پڑ ءُ میاں اوستمانی تک ءِ استیں جیڈھ آنی سر ءَ سرجمیں رنگ ءَ بے زانت ءُ زانشی انت، آئی ءِ بیانے بے سر ءُ پادی راستی ءَ را لگت مال کنگ ءِ کوشست انت، اپوزیشن وتی سیاست ءِ واستہ الس ءِ زندمان ءَ گوں لیب مکن انت، سیاسی شو شا ءِ واستہ پارلیمان ءَ را گمراہ کنگ مہ بیتت، گوستگیں حکومت آں وطن دوستیں ادارگ آناں تباہ کنان ءَ کوراسی ءَ دور داتگ۔ پنچ شمبے ءِ روچ ءَ وتی بیان ءَ بنجاھی وزیر سینیٹر شبلی فراز ءَ گوشت کہ عمران خان ءَ ملک ءَ را دیمروئی ءِ کشک ءَ رھادگ کتگ، پاکستان ءِ الس شاھوکار انت۔ ملکی سیت ءِ رد ءَ زاتی سیت آناں اول سرئی کنوک الس آناں گیش بے قوف بنائینت نہ کناں۔ گوستگیں حکومت آں زاتی سیت ءُ نپ ءِ واستہ ادارگ آناں لگ ءُ کور کتگ، وتی لیکہ ءِ چیر دستی ءَ ادارگ آناں گہتر کت کناں سروس ڈلیورری ءَ را گہتر جوڑ کنگ ءَ آں، مزن وزیر عمران خان ءِ سروکی ءَ توامیں چیلجنز آنی بابت ءَ شر سرپد آں۔ آئی ءَ گوشت کہ اپوزیشن جوانیں شور ءُ مشور ءِ مٹ ءَ سیاست کنگ ءَ انت، مزن وزیر عمران خان راج ءَ را کورونا وائرس ءِ ھوپ ءَ چہ رکھینگ ءُ شدیکی ءَ چہ بچارینگ ءِ واستہ گامگیج کنگ ءَ انت۔
