بیست ءُ چار کلاک آنی تہ ءَ درستاں چہ گیش 26573 کورونا وائرس ٹیسٹ کنگ بوتگ، آزات کشمیر، گلگت بلتستان ءُ بلوچستان ءَ اچ ھم مریض وینٹی لیٹر ءِ سر ءَ نہ انت

یک روچے ءِ تہ ءَ 5834 نوکیں کیس، 101 مرگ رپوٹ، ھواریں کساس 119536 بوتگ انت، این سی او سی
اسلام آباد ۔ 11 جون (اے پی پی) گوستگیں بیست ءُ چار کلاک آنی ساھت ءَ درستاں چہ گیش 26 ہزار 573 کورونا ءِ ٹیسٹ کنگ بوتگ۔ آزات کشمیر، گلگت بلتستان ءُ بلوچستان ءَ اچ ھم کورونا ءِ مریض وینٹی لیٹر ءِ سر ءَ نہ انت، سرجمیں ملک ءَ کورونا ءِ مریض آنی واستہ 25 ہزار 730 بیڈز گیشینگ بوتگ، ایشانی تہ ءَ آکسیجن ءِ آسراتی والا ایں بیڈز آنی کساس 5 ہزار 333 انت۔ کورونا مریض آنی واستہ 1400 وینیٹیلیٹرز گیشینگ بوتگ۔ ایشانی سر ءَ پنچ شمبے ءِ روچ ءَ مریض آنی کساس 368 انت، گوستگیں 48 کلاک آنی ساھت ءَ این ڈی ایم اے ءِ نیمگ ءَ کراچی ءَ را 25 پورٹیبل وینیٹیلیٹرز روان دیگ بوتگ۔ 61 درسد ءَ چہ گیش وینیٹیلیٹرز کورونا ءِ مریض آنی واستی سرجمیں ملک ءَ ہسپتال آنی تہ ءَ دستیاب انت ایشی ءَ ابید کجام ھم ایمرجنسی جاور آنی رنگ ءَ 1548 وینٹیلیٹرز ساڑی انت۔ این سی او سی سرجمیں رنگ ءَ کجام ھم جاور ھال ءَ گوں گر ءُ چیل بوھگ ءِ واستہ تیار انت۔ ایمرجنسی والا ایں جاھ آنی ضلورت ءِ چیر دستی ءَ ایشانی تہ ءَ گیشی کنگ بیت کنت۔ جون ءِ گڈ ءَ تاں 1 ہزار آکسیجن ءِ آسراتی والا ایں بیڈز آنی کساس ءِ منصوبگ منظور بوتگ۔ گوستگیں بیست ءُ چار کلاک آنی ساھت ءَ 101 مرگ بوتگ۔ انوگ ءَ تاں کلی بیرانی ایشانی تہ ءَ سندھ ءَ 738، پنجاپ ءَ 841 ، خیبر پختونخوا ءَ 619، اسلام آباد ءَ 62 بلوچستان ءَ 73، گلگت بلتستان ءَ 14، آزات کشمیر ءَ 9 بیرانی بوتگ۔ انوگ ءَ تاں کلی 7 لکھ 80 ہزار 825 کورونا ءِ ٹیسٹ کنگ بوتگ۔ سرجمیں ملک ءَ کورونا ءِ مریض آنی واستہ گیشینتگیں 779 ہسپتال آناں 5 ہزار 838 مریض داخل انت۔