گوستگیں 5 روچ آنی تہ ءَ سرجمیں ملک ءَ ایس او پیز آنی 84 ہزار 294 ھلاپ کنگ ءِ کیس بوتگ، نیشنل کنٹرول اینڈ آپریشن سینٹر ءَ را چیف سیکٹریز ءُ نماھندگ آناں بریفنگ

اسلام آباد ۔ 11 جون (اے پی پی) آزاد کشمیر،گلگت بلتستان، اسلام آباد ءُ ایندگر صوبگ آںی چیف سیکرٹریز ءُ نماھندگ آں این سی او سی ءَ را ویڈیو لنگ ءِ وسیلگ جان سلامتی ءِ ھوالگ ءَ شکاست ءُ پنت ءُ شون ءِ بابت ءَ گوشت۔ این سی او سی ءَ را گوشگ بوت کہ گوستگیں 5 روچ آنی تہ ءَ سرجمیں ملک ءَ ایس او پیز ءِ 84 ہزار 294 ھلاپ ورزی گندگ بوتگ ایشانی تہ ءَ گیشتریں 22 ہزار 405 مارکیٹس، دوکان 97 کارخانہ ءُ 91 ہزار 197 ٹرانسپورٹ گاڑی آنی ھلاپ ءَ کیس جم کنگ بوتگ ایشاں ایس او پیز آنی پد ءُ رند نہ کتگ، اے سبب ءَ ایشاناں جرمانہ ءُ ادارکی رنگ ءَ بندش جنگ بوتگ۔ این سی او سی ءِ فورم ءَ را گوشگ بوت کہ ملک ءِ بازیں جاھاں سمارٹ لاک ڈائون گندگ بوتگ۔ پنجاپ ءِ توک ءَ 884 جاھاں لاک ڈائون کنگ نہ بوتگ اے سبب ءَ 1 لکھ 60 ہزار آباتی آماچ بوتگ۔ خیبر پختونخوا ءَ 40 ہزار 500 ءِ آباتی ءَ 349 جاھانی سر ءَ لاک ڈائون کنگ بوتگ ھمے رنگ ءَ اسلام آباد ءَ 10 ہزار آباتی ءِ سر ءَ 9 جتا جتائیں جاھ آنی تہ ءَ لاک ڈائون کنگ بوتگ۔ آزات کشمیر ءَ 2 ہزار 4 سد آباتی ءِ سر ءَ 9 جتا جتائیں جاھ آنی سر ءَ لاک ڈائون کنگ بوتگ۔