پی ٹی وی نا پروگرام اٹی کشمیر ءِ بھارت نا بشخ نشان تننگ نا بابت پی ٹی وی ءِ جاست وپاست کرسا رپورٹ پیش کننگ نا پاننگانے، ڈاکٹر بابر اعوان

اسلام آباد۔ 10 جون (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ پی ٹی وی نا پروگرام اٹی کشمیر ءِ بھارت نا بشخ نشان تننگ نا بابت پی ٹی وی ءِ جاست وپاست کرسا رپورٹ پیش کننگ نا پاننگانے، ہندن کہ رپورٹ بریک ایوان اٹی پیش کننگک۔ چارشنبے نادے آ قومی اسمبلی نا دیوان اٹی ڈاکٹر بابر اعوان پارے کہ جاوید لطیف داایوان اٹی ٹک اس ہرفیسس کہ پی ٹی وی نا پروگرام اٹی کشمیر ءِ بھارت نا بشخ نشان تننگا و پاکستان نا نقشہ ٹی نشان تننگتو۔ ای دا معاملہ غا ایم ڈی پی ٹی وی تون ہیت کرینٹ۔ اوباوری کرفینے کہ او جاست وپاست کرسا زموار آتا تعین ءِ کیک و رپورٹ ایوان اٹی پیش کننگک۔