مزن وزیر عمران خان ءَ گوں وزیر ءِ توکی کار اعجاز احمد شاہ ءِ گند ءُ نند

وزیر ءِ توکی کار ءَ مزن وزیر ءَ را وزارت ءِ توکی کار ءُ ایشی ءِ جتا جتائیں محکمہ آنی گوستگیں 20 ماھی کار کردی رپوٹ پیش کت
اسلام آباد ۔ 10 جون (اے پی پی) مزن وزیر عمران خان ءَ وزیر ءِ توکی کار اعجاز شاہ ءَ را چار شمبے ءِ روچ ءَ گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیا ن ءِ رد ءَ وزیر ءِ توکی کار ءَ مزن وزیر ءَ را وزارت ءِ توکی کار ءُ ایشی یے جتا جتائیں محکمہ آنی گوستگیں 20 ماھی (اگست 2018 تاں اپریل 2020) ءِ کار کردی رپوٹ پیش کت۔ وزیر ءِ درئی کار ءَ گوشت کہ اے ساھت ءَ نیشنل ایکشن پلان ءِ پد ءُ رند کنگ بوتگ۔ اے ھوالگ ءَ کلانہ آنی ھواریں 14 مزن تکی کمیٹی جوڑ کنگ بوتگ ایش جتا جتائیں کار آنی ھوالگ ءَ یک ماھے یے توک ءَ وتی وتی سپارش آں پیش کناں۔ مزن وزیر ءَ را گوشگ بوت کہ ملک ءَ سرمایہ کاری ءُ سیل ءُ سواد ءِ دیمروئی ءِ واستہ مزن ویزر ءِ وژن ءِ رد ءَ 175 ملک آںی واست الیکٹرانک ویزہ سہرا کنگ بوتگ ایشی ءَ چہ پاکستان ویزا آنی گرگ ءِ تہ ءَ گیش آسانی پیداک بیت۔ ملک ءَ ناشرکاری ءَ را سرجمیں رنگ ءَ ھلاسی ءِ واستہ ناشرکار آناں مالی آسراتی پجارینوک آنی گر ءُ دار ءِ واستہ جوانیں گامگیج جوڑ کنگ بوتگ۔ سمگلنگ ءِ گر ءُ دار ءِ وستہ مزن تکی سٹیئرنگ کمیٹی ءِ نیمگ ءَ جوانیں پالیشی ءُ ٹوھیں رد ءَ گامگیج کنگ بوھگ ءَ انت تانکہ ملکی معیشت ءُ صنعت آناں تاوان ءَ چہ رکھینگ ءِ واستہ گر ءُ دار المی کنگ بہ بیت۔ مزن ویزر ءَ را گوشگ بوت کہ نادرا ءِ نیمگ ءَ ملکی ءُ قومی سیت ءُ ایندگر سرکاری ادارگ آناں ھمک رنگیں کمک پجارینگ بوھگ ءَ انت۔ ایشانی تہ ءَ معیشت ءَ مسلی رنگ دیگ، ٹیکس بیس آنی تہ ءَ گیشی ءُ ٹیکس گرگ ءِ جیڈھ ھوار انت۔ ایشی ءَ ابید نادرا ءِ ن یمگ ءَ نوکیں پاکستان ہائوسنگ پروگرام ءَ ھم کمک پجارینگ بوھگ ءَ انت۔ بیان ءِ رد ءَ ھاسیں کمکار برائے کیساسگری ءُ توکی کار بیرسٹر شہزاد اکبر ھم اے گند ءُ نند ءَ ساڑی ات۔