بنجاھی وزیر اھوالکاری ءُ شنگ کاری سینیٹر شبلی فراز

زوراکیں بھارتی اُرد آنی دست ءَ 9 کشمیری ورنا آنی شہادت زوراکی توام انت، اقوام متحد ءَ را بنی آدم آنی لگت مالی کنگ ءِ پد ءَ بھارت ءِ سر ءَ نوٹس زورگی انت
اسلام آباد ۔ 9 جون (اے پی پی) بنجاھی وزیر اھوالکاری ءُ شنگ کاری سنیٹر شبلی فراز ءَ گوشت کہ زوراکیں بھارتی اُرد آنی دست ءَ 9 کشمیری ورنا آنی شہادت زوراکی توام انت، وتی جمہوری آجوئی ھک ءِ واستہ جاک ءُ کوکار کنگ ءَ انت، ایشانی سر ءَ پیلٹ گنز ، آنسو گیس ءُ ایندگر نمونگ نمونگے زوراکی ءُ ظلم کنگ بھارتی جرام آنی سہرائیں درور انت ایشانی پد ءَ اقوام ءِ متحدہ ءَ نوٹس زورگی انت۔ سئے شمبے ءِ روچ ءَ سینیٹر شبلی فراز ءَ گوشت کہ بھارت زور ءُ زوراکی ءِ گوما بزگیں کشمیری آناں وت واجئی ھک ءِ لوٹگ ءِ رد ءَ لگت مال کنگ ءُ ڈگار ءَ جنگ ءَ چہ ایشاناں ھک ءِ لوٹگ ءَ چہ اچ رنگ ءَ داشت نہ کنت۔ کشمیری وتی آجوئی ءِ ھند ءَ سر بنت۔ آئی ءَ گوشت کہ دگنیا کورونا وائرس ءِ ھوپ ءَ گوں جیگ مہ جیگ انت، دومی نیمگ ءَ بھارت کودک آنی سر ءَ ظلم کنگ ءَ انت، بھارت بنی آدم آناں ڈگار ءَ جنگ ءَ انت بھارت ءِ راستیں لکا دگنیا ءِ دیم ءَ سہرا بوتگ۔