بنجاھی وزیر اھوالکاری ءُ شنگ کاری شبلی فراز ءِ سینیٹ ءَ بُکگ جنوک آنی پسو

پاکستان اسٹیل مل ءِ ھوالگ ءَ ھرچی پیسلہ بیت آ ساپ ءُ سلہ ئی ءَ بیت، ایشرا سیت چست کنوک آنی وت مہ وت کشاں چیل ءِ دیمپان کت نہ کناں
اسلام آباد ۔ 8 جون (اے پی پی) بنجاھی وزیر اھوالکاری ءُ شنگ کاری شبلی فراز ءَ گوشت کہ پاکستان اسٹیل مل ءِ ھوالگ ءَ ھرچی کہ پیسلہ بیت آ ساپ ءُ سلہ ئی ءَ بیت، ایشرا سیت چست کنوک آنی وت مہ وت کشاں چیل ءِ دیمپان کت نہ کناں۔ اے ھیالانی درشانی آئی ءَ دو شمبے ءَ ایوان ءِ بالا ءَ پاکستان پیپلز پارٹی ءِ سینیٹر رضا ربانی ءِ بُکگ ءِ مٹ ءُ پسو دیان ءَ کت۔ آئی َ گوشت کہ پاکستان تحریک انصاف ءِ حکومت وتی روایت ءَ را یک شل ءَ جاڑی دار ایت۔ آ تُرئی کابینہ ءِ کجام ھم باسک یا دگہ دومی مردمے بہ بیت ایشرا سیت چست کنوک آنی وت مہ وت کشاں چیل ءِ دیمپان ءَ کت نہ کناں، ھرچی پیسلہ کئیت آ ساپ ءُ سلہ ئی ءَ گوں بیت۔ ایشی ءَ چہ پیسر سینیٹر رضا ربانی ءَ بُکگ جنان ءَ گوشت کہ اسٹیل مل ءِ 9350 ملازم آناں فارغ کنگ بوھگ ءِ پد ءَ سپریم کورٹ ءِ حکم ءِ ھوالگ ءَ دیان ءَ گوشت، آئی ءَ پسو ءَ گوشت کہ سپریم کورٹ ءَ چوشیں حکم نہ اتکگ ایش مردم آنی ھک آنی جیڈھ انت، اگاں سپریم کورٹ ءَ اے رنگیں حکم کئیت گڈا مردم وتی جیڈھ آنی ھک آنی واستہ کجا برونت گوانک ءَ چست بکن انت۔ آئی ءَ گوشت کہ پیسر ءَ اسٹیل مل ءَ را نجکاری ءَ لڑ ءَ چہ کشگ ءِ گوشگ بوتگ ءُ پدا ایشرا اے لسٹ ءَ ھوار کنگ بوتگ ۔ ھما کنسوریشیم ءِ گوما منوگر بوتگ اے ھوالگ ءَ ھم جیڈھ دیم ءَ آرگ ءُ پشدارگ بہ بیت کہ ایش سیت چست کنوک آنی وت کشاں چیل ایشی ءَ گوں بندوک نہ انت۔ اسٹیل مل ءِ ھوالگ ءَ پیسلہ یکجائی سیت کونسل ءَ بیت۔ بنجاھی کابینہ ایشی ءِ منظوری ءَ بہ دنت گڈا ایش جوانیں فورم ءِ نہ بیت چیا کہ فیڈرل لیجسلیٹو ءِ آئٹم نمبر 3 ءَ ھوار انت۔