مزن وزیر عمران خان ءِ کورونا ھوپ ءِ ھوالگ ءَ تران

مزن وزیر عمران خان ءِ کورونا وائرس ءَ چہ رکھینگ ءِ واستہ رکھینگی رھبند آنی وتی کنگ ءِ ضلورت ءِ سر ءَ زور
اسلام آباد ۔ 8 جون (اے پی پی) مزن وزیر عمران خان ءَ کورونا وائرس ءَ چہ رکھگ ءِ واستہ استیں رکھینگی رھبند آنی وتی کنگ ءِ ضلورت ءِ سر ءَ ترندی ءَ گوں زور دیان ءَ گوشت کہ ایس او پیز آنی پد ءُ رند کنگ ءَ چہ وائرس ءِ شنگ ءُ تالانی کم کنگ بیت کنت، ملک ءَ جولائی ءِ گڈ ءُ اگست ءِ بندات ءَ اے وائرس ءِ زور برز تریں تک ءَ بیت، کورونا ءَ رکھگ ءِ واستہ گس ءَ چہ ماسک پر بکن ات ءُ ڈن ءَ در بکپ ات، ایس او پیز آںی پد ءُ رند نہ کنگ ءِ سبب ءَ بزرگ ءُ ایندگر مردم آنی زندمان بیم ءِ آماچ ءُ تہ ءَ کپت کناں۔ اے ھیالانی درشانی آئی ءَ دو شمبے ءَ کورونا وائرس ءِ ھوالگ ءَ تران کنان ءَ کت ۔ مزن وزیر ءَ گوشت کہ لاک ڈائون ءِ ساھت ءَ ملک مشکلیں جاور ھال آنی گوما دیم پہ دیم بوتگ۔ آئی ءَ گوشت کہ لاک ڈائون ءِ مطلب کورونا وائرس ءِ گر ءُ دار ءِ تہ ءَ کمی انت، لاک ڈائون ءَ چہ کورونا اچبر ھلاس نہ بیت، امریکہ ءَ اے ھوپ ءَ چہ یک لکھ مردم بیران بوتگ پدا ھم آواں لاک ڈائون ھلاس کتگ، امریں ملک ھم اے آسر ءَ سر بوتگ انت کہ لاک ڈائون جیڈھ آنی گیواری نہ انت۔ آئی ءَ گوشت کہ حکومت ءِ نیمگ ءَ جاڑی کتگیں ایس او پیز آنی سر ءَ کاروائی پد ءُ رند ءَ چہ وائرس ءِ گر ءُ دار کنگ بیت کنت، ماسک پر کنگگ ءَ چہ وائرس ءِ شنگ ءُ تالانی ءِ تہ ءَ 50 درسد کمی کئیت۔ آئی ءَ گوشت کہ منی سرجمیں کوشست انت کہ ملک ءَ را اے ھوپ ءَ چہ رکھینگ بہ بیت۔