سروزیر بلوچستان جام کمال خان ءِ سروکی ءَ مزن تکی دیوان، کویڈ-19 ءِ ھولگ ءَ کار آنی سر ءَ چار ءُ تپاسی گرگ بوت

کوئٹہ۔08جون (اے پی پی) سروزیر بلوچستان جام کمال کان ءِ سروکی ءَ کویڈ-19 ءِ ھوالگ ءَ کار آنی سر ءَ مزن تکی دیوان ءِ برجم دارگ بوت۔ دیون ءَ شریکیں کلانہ ءُ جان سلامتی زانتکار ءُ پٹ ءُ پولکار ءُ ریسرچ ءِ رد ءَ کورونا وائرس ءُ ایشی ءِ آسر ءُ گر ءُ دار ءِ ھوالگ ءَ بریفنگ دیگ بوت۔ دیوان ءَ انسٹیٹیوٹ آف پبلک ہیلتھ ءَ را پرائمری ءُ سیکنڈری تک ءَ کویڈ-19 ءِ ٹریٹمنٹ پروٹوکول ءِ تیاری ءِ پنت ءُ شون دیگ بوت۔ اے موہ ءِ سر ءَ دیوا ن ءَ را گوشگ بوت کہ آیوکیں سئے ماھ ھاسیں رنگ ءَ ستمبر 2020 ءَ وائرس ءِ شنگ ءُ تلانی ءُ آسر آنی ھوالگ ءَ سک باز ترند ءُ ترسناک بوت کنت، بلوچستان ءَ ھندی تک ءَ ایشی ءِ گر ءُ دار ءُ وائرس ءِ آسر ءُ ملک ءِ ایندگر صوبگ آں چہ جتا انت چو کہ ایندگر صوبگ آنی تہ ءَ ایش گیشتر ءُ باز تر انت پدا ھم مریض آنی جاور ھال گہتر ءُ بیرانی ءِ کساس کمتر انت۔ انوگ ءَ تاں بوتگیں ریسرچ آنی رد ءَ مردم آناں کورونا وائرس ءِ گوما دیم ءَ جنزگی انت۔ رکھینگی گامگیج آناں وتی کنگی انت۔ فاطمہ جناح اسپتال ءِ لیبارٹری ءَ ٹیسٹنگ ءِ ضلاحیت 1500 ءَ تاں ھمک روچ شیخ زید اسپتال ءَ 50 ءُ بی ایم سی اسپتال ءَ 24 انت ءُ سیکرٹری جان سلامتی دوستیں جمالدینی ءَ دیوان ءَ را گوشت کہ انوگ ءَ تاں صوبگ ءَ 72593 مردم ءِ سکریننگ ءُ 31117 مردم ءِ ٹیسٹنگ کنگ بوتگ 6516 مردم آنی ٹیسٹ پازیٹو اتکگ۔ ایکٹو کیس آنی کساس 4149 وھدیکہ بیرانی آنی کساس 54 انت۔ 29919 وی ٹی ایم ءُ 21037 ویکسٹریکشن کٹس است انت۔ ایش 21 روچ آں تاں بس انت۔ محکمہ جان سلامتی ءَ بنی آدمی آسراتی آنی دیمروئی ءِ واستہ ھیل کاری کورسز آ نی بنگیج کنگ بوتگ۔ این ڈی ایم اے ءِ نیمگ ءَ گیش 10 ایکسرے مشین پجاری کنگ بوت۔ سر وزیر بلوچستا ن جام کمال ءَ گشتانک دیان ءَ گوشت کہ کورونا وائرس ءِ رد ءَ پرائمری جان سلامتی ءِ نظام ءَ را گہتر جوڑ کنان ءُ آیوکیں مالی سال ءِ بجٹ ءَ جان سلامتی شوبگ ءِ دیمروئی ءَ را ترجی دیاں کورونا وائرس ءَ چہ جان سلامتی ءِ شوبگ ءَ را ھمزوری دیم ءَ اتکگ ایشاناں جوانتر ءُ گہتر کناں۔ کورونا وائرس ءِ گوما دیم ءَ جنزگی انت بلے اے نوں الس آنی سر ءَ انت کہ آ رکھینگی رھبند آنی پد ءُ رند ءَ گوں دیم ءَ بہ جنز انت۔ اگاں وتا رکھین آں گڈاس وائرس ءَ چہ آماچی ءِ کساس نیامی تک ءَ بنت بلے وتارا نہ رکھینگ ءَ چہ ایشی ءِ آسر سک ھراب بنت۔ سر وزیر ءَ ایم ایس ڈی ءَ را درمان آنی بھا زوری ءِ کار ءَ را زوت سرجم کنگ ءِ پنت ءُ شون کت۔ سر وزیر بلوچستان ءَ گوشت کہ ریجنل بلڈ سینٹر ءِ تومیں ضلورت آناں زوتیں رنگ ءَ سرجم کنگ بیت۔ دیوان ءَ کورونا وائر س ءَ چہ بیران بوھوکیں مردم آنی واستہ دعا ءِ آکبت پہ ھیری کنگ بوت۔