احسن اقبال نا است خواہی ءِ کہ اونا فون آ عدالتی فیصلہ غاک مریر، داسہ اوفتے لٹ و پل انا حساب ءِ تروئی تمک، ڈاکٹر شہباز گل

اسلام آباد۔ 08 جون (اے پی پی) وزیراعظم نا اسپیشل اسسٹنٹ آن پولیٹیکل کمیونیکیشن ڈاکٹر شہباز گل پارینے کہ ہندن لگک کہ مسلم لیگ (ن) نا راہشون احسن اقبال نا اینو ہم است خواہی ءِ کہ اونا فون آ عدالتی فیصلہ غاک مریر ولے داسہ اوفتے تینا لٹ وپل نا حساب ءِ تروئی تمک۔ دوشنبے نادے آ تینا ٹویٹ اٹی ڈاکٹر شہباز گل پارے کہ داسہ ہچ کس ءِ این آر او تفننگک۔ ڈاکٹر شہباز گل پارے کہ وزیراعظم عمران خان تو الس نا خذمت کن میدان اٹی ءِ نمے آنبار ڈکوک اف۔ اوپارے کہ احسن اقبال کن نیب اینو داخاطرآن خراب مس کہ اواوڑآن اونا اعمال آتا حساب ءِ خواہسونے، دانے ہمو وخت آ انت اکن یات بتویسس ہراتم نی و نا ایم مبینہ وڑاٹ کھجور نا اسہ اسہ درخت ءِ پنجاب حکومت ءِ اسہ اسہ لکھ روپئی ٹی سودا کرسا کرینورے، داسہ تینا اعمال نا ورندی ءِ ایت۔