ایف بی آر نا غٹ فیلڈ دفترآک 30 جون اسکان ہفتہ نا دے آ ملوک مریرہ

اسلام آباد۔ 08 جون (اے پی پی) فیڈرل بورڈ آف ریونیو(ایف بی آر) نا غٹ فیلڈ دفتر آک 30 جون اسکان ہفتہ نا دے آ ملوک مریرہ۔ ایف بی آر نا کنڈآن دا بابت جاری کروک نوٹیفکیشن نا رداٹ جون 2020ء ٹی 415.5 ارب روپئی نا محصولات آتا ہدف ءِ دوئی کننگ کن ایف بی آر نا غٹ فیلڈ دفترآک 30 جون اسکان ہفتہ نادے آ ملوک مریرہ۔ یات سلے کہ ایف بی آر مئی 2020 ء ٹی کل خراج و ڈیوٹی تا مد اٹی 227 ارب روپئی نا محصولات یکجا کریسس۔ جولائی آن مئی 2020ء ایف بی آر نا کل خراج و ڈیوٹی تا کچ 3518 ارب روپئی مسنے ہرا تدوک آ مالی سال انا ہندا وخت انا مقابلہ ٹی 7.7 درسد زیاتءِ ۔ تدوک آ مالی سال انا یانزدہ تُو اٹی ایف بی آر نا کل محصولات آتا کچ 3266 ارب روپئی ئس۔ کوروناوائرس نا دین انا تالانی، کساد بازاری و کاروباری بندش آن پد ہم ایف بی آر اینخو مالی سال انا 3908 ارب نا ریونیو ہدف نا نود درسد دوئی کرینے۔