بنجائی حکومت جون انا تُو اٹی 1000 آکسیجن کٹ فراوان کیک، بنجائی وزیر شونداری و ڈٹ بندی اسد عمر

اسلام آباد۔ 08 جون (اے پی پی) بنجائی حکومت جون انا تُو اٹی 1000 آکسیجن کٹ فراوان کیک۔ جولائی ٹی دا کچ اٹی ودکی کننگک، ہسپتال آتا عملہ نا گرج آتا بابت ہم جاچ ءِ ہلنگا ہرافتے اینو شام آحتمی دروشم اس تننگک۔ دوشنبے نادے آ بنجائی وزیر شونداری و ڈٹ بندی اسد عمر این سی او سی نا دیوان نا کماشی ءِ کننگ آن پد میڈیا تون ہیت کرسا پارے کہ دیوان اٹی کورونانا بابت بست وبند آتا خوڑتی اٹ جاچ ءِ ہلنگانے۔ کورونانا مریض آتا کچ اٹی ودکی مننگ ءِ۔ ہرانا سوب بھلا شار تا ہسپتال آتیا پریشر ودانے۔ دادے مون آ تخسا بنجائی حکومت جون انا تُو اٹی اسہ ہزار کٹ ہرافتے ٹی آکسیجن نا آسراتی ہم اوار ءِ او صوبہ غاتے تننگ نا زمواری ہلیک۔ دُن کہ صوبہ غاتے دا دین اتون مون تننگ کن مہالو ہم امداد تننگ انگ ءِ ہرافتے ٹی اسہ ہفتہ نا تہہ ٹی 250 وینٹس و کٹ تننگانے۔ داکان بیدس ہسپتال آتا عملہ کن ہم ضرورت نا گڑاتا پورو پیکج اسے نا جاچ ءِ ہلنگانے ہرادے اینو شام آ حتمی دروشم اس تننگک۔