24 گھنٹہ ٹی 4،728 پوسکن ءُ کیس، 2465 مرک رپورٹ، نیشنل کمانڈ اینڈ آپریشن سینٹر

اسلام آباد۔ 08 جون (اے پی پی) مچ آ ملک اٹی تدوک آ 24 گھنٹہ ٹی کوروناوائرس نا 4728پوسکن ءُ کیس و 65 مرک رپورٹ مسنے اوکان پد کروناوائرس نا پک کیس آتا کچ 1،03،671 ، ایکٹیو کیس آتاکچ 67، 249 و مرک آتا کچ 2067 مسنے، اسہ دے اٹیی 22650 بندغ آتا کوروناوائرس کن ٹیسٹ ءِ کننگانے، 5253 زہمی بندغ ہسپتال آتے ٹی درمان مننگ ءُ وخت اس کہ 1382 نا حالیت نازرک پاننگ انگ ءِ۔ نیشنل کمانڈ اینڈ آپریشن سینٹر (این سی او سی) نا تازہ انگا اپ ڈیٹ نا رداٹ پنجاب اٹی کوروناوائرس نا کیس آتا کچ 38 ہزار 903 اسکان سرمسنے۔ سندھ اٹی 38 ہزار 108 کوروناکیس رپورٹ مسنے۔ خیبر پختونخوا ٹی کیس آتا کچ 13 ہزار 487 و اسلام آباد اٹی 5329 مس۔ بلوچستان اٹی 6516، گلگت بلتستان اٹی 932 کیس رپورٹ مس۔ آزاد کشمیر اٹی کوروناوائرس نا کیس آتا کچ 396 مس۔ مچ آ ملک اٹی داوخت اسکان 34 ہزار 355 ناجوڑ پورو وڑاٹ دراخہ جوڑ مسنو۔ این سی او سی نا رداٹ تدوک آ 24گھنٹہ ٹی 65 مرک مسنے۔ کوروناوائرس آن مرک انا باہ ٹی ہنوک آ بندغ آتا کچ 2067 اسکان سرمس۔ ہرافتے ٹی سندھ اٹی 650، پنجاب اٹی 715، کے پی کے ٹی 575، گلگت بلتستان اٹی 13، آزاد جموں و کشمیر اٹی 8، اسلام آباد اٹی 52و بلوچستان اٹی 54 اوار ءُ۔ داوخت اسکان 7 لکھ 05 ہزار 833 بندغ آتا کوروناوائرس ٹیسٹ ءِ کننگا۔ تدوک آ 24 گھنٹہ ٹی 22 ہزار 650 بندغ آتا ٹیسٹ ءِ کننگا۔ ملک انا 775 ہسپتال آتے ٹی 5253 ناجوڑ درمان مننگ ءُ۔ 1382 کورونانا زہمی تا حالیت ءِ نازرک پاننگ انگ ءِ۔