وائرس نا گمانی تالان مروک آ علاقہ غاتے ٹی ایس او پیز و راجی فاصلہ غاتا خلاف ورزی کروک آتا برخلاف انتظامی کارروائی نا بناء

اسلام آباد۔ 08 جون (اے پی پی) السی ہند و مارکیٹ، پبلک ٹرانسپورٹ و صنعتی بشخ آتا وائرس نا گمانی تالان مروک آ علاقہ غاتے ٹی ایس او پیز و راجی فاصلہ غاتا خلاف ورزی کروک آتا برخلاف انتظامی کارروائی نا بناءِ کننگانے۔ تدوک آ 24 گھنٹہ ٹی ملوک آ حوال آتے ٹی پاننگانے کہ صوبہ بلوچستان اٹی ایس او پیز آتا 294 خلاف ورزی مس ہرانا سوب آن 128 دوکان و 57 گاڈی تے عارضی وڑٹ بند و اوفتے جرمانہ کننگا۔ پنجاب اٹی چندی مارکیٹ بازار ٹرانسپورٹ و صنعتی علاقہ غاتا ہُننگ کن خصوصی ٹیم ٹہیفنگا۔ 2593 ایس او پیز آتا خلاف ورزی تیا 792دوکان 4 صنعت 610 گاڈی تے عارضی وڑاٹ بند و جرمانہ کننگا۔ ہنداوڑ اٹ سندھ اٹی ہم ایس او پیز تا خلاف ورزی کروک آتا برخلاف کارروائی کننگا۔ خیبر پختونخوا ٹی ایس اوپیز آتا خلاف ورزی تا 1406 کیس مون آ بس ہرافتے ٹی 2 دوکان و 22 گاڈی تے بندوخت اس کہ 1241 گاڈی تے جرمانہ و عارضی بند کننگا۔ آزاد کشمیر اٹی 379 خلاف ورزی تیٹی 55 دوکان و 87 گاڈی تے جرمانہ و عارضی بند کننگا۔