مروچی دگنیا کرونا ءِ ھلاپ پاکستان ءِ حکمت عملی ءَ را منگ انت،ایشین ڈویلپمنٹ بینک ءَ احساس پروگرام ءِ ردا گونڈ ءِ وھد ءِ تہ کلدارانی بھر ءُ بانگ ءِ گام ءَ را ساڑاتگ،مزن وزیر عمران خان

اسلام آباد ۔ 06جون (اے پی پی) مزن وزیر عمران خان ءَ گوشت کہ مروچی دگنیا کورونا ءِ ھلاپ ءَ پاکستان ءِ پلان ءَ را منگ انت۔ ایشین ڈویلپمنٹ بینک ءَ احساس پروگرامءِ ردا گونڈ ءِ وھد ءِ تہ کلدارانی بھرءُ بانگ ءِ سرا پاکستان ءِ گام گیج ءَ را ساڑاتگ۔ معیشت ءِ پرگ ھلائینگ الم انت، ٹائیگر فورس ءِ والنٹیئرزایس اوپیز ءِ سرا عمل ءَ کنائین انت۔ھپتگ ءَ چاگردی ویب سائٹ ٹویٹر سرا وتی ٹویٹ ءِ تہ مزن وزیر عمران خان ءَ گوشت کہ احساس پروگرام ءِ سرا ڈاکٹر ثانیہ نشتر ءُ احساس ءِ دراھیں ٹیمب ستا ءِ لائق انت۔مزن وزیر ءَ گوشت کہ مئے ملک ءِ سرا ھداوند کریم ءِ کرم بوھگ انت۔آہاں دراھیں راج،کمانڈ اینڈ کنٹرول ٹیم ءُ پیرامیڈکس ءِ ہزمت ءَ را ہم ساڑاتگ۔مزن وزیر ءَ گوشت کہ مئے ملک اے مقام ءِ سرا انت کہ اودا انوں ایس او پیز ءِ سرا عمل مزنیں مصیبت ءَ چہ رکھ ایت۔مزن وزیر ءَ گوشت کہ سرجمیں دگنیا ءِ تہ لاک ڈاون ءَ چہ درستاں چہ گیش آماچ غریب تبک بوتگ انت، کورونا وائرس ءِ جاورھال نہ ایوکا غریب تبک ءَ را اماچ کتگ بلکہ سپید پوش ءَ راھم غربت ءِ چکیءِ تہ پیسگ انت، امریکہ رنگ ءِ ملک ءِ تہ ھم مردم را لین ءِ تہ نان دیگ بوھگ انت۔مزن وزیر ءَ گوشت کہ احساس پروگرام ءِ ردا لاک ڈاون ءَ چہ آٰاچیں مردمانی کمک کنگ بوتگ بلے کمو وسیلگ ءِ گوما حکومت دراھانی مالی کمک کت نہ کن ایت۔ آہاں گوشت کہ مارا ٹیکس گیش کنگی انت اے ھاترا الم انت کہ معیشت ئِ پرگ جزیت۔آہاں گوشت کہ ایس او پیز ءِ ھوار بزنس ھم پچ کنگ بوھگ انت۔ کورونا فورس ءِ رضاکار ہما ایس اوپیز ءِ سرا وڈ ءُ پیم ءَ را سدکی جوڈ کن ان۔وزیر اعظم ءَ گوشت کہ ٹائیگر فورس ءَ را نوں چکاریں وڈ ءَ کڈںی دیگ بوتگ انت ءُ ،مردمانی تہ شعور ودی کنان ءَ کورونا ءِ تالان دارگ ءِ تہ وتی کرد ءَ ادا کن انت۔