مہلوک ہمہ وڈ ءَ کہ اے گپے سرا سدکی دارگ انت کہ کورونا وائرس دست ءَ گوں تالان مہ بوتگ اے وڈ ءَ کورونا وائرس ءِ ھلاپ ایس او پیز ءِ سرا سدکی ءُ ایشی ءِ سرا عمل ءَ ھم کن انت،ملک مستر ڈاکٹر عارف علوی

اسلام آباد ۔ 6 جون (اے پی پی) صدر مملکت ڈاکٹر عارف علوی ءَ مہلوک ءِ سرا زور مان کتگ کہ ہمہ وڈ ءَ کہ اے گپےسرا سدکی ایر کنگ انت کہ کورونا وائرس دست ءَ گوں تالان مہ بوتگ ہمہ وڈ ءَ کورونا وائرس ءِ ھلاپ ایس او پیز ءِ سرا سدکی ءُ ایشی ءِ سرا عمل ءَ ھم کن انت۔ھپتگ ءَ چاگردی ویب سائٹ ٹویٹر ءِ سرا وتی ٹویٹ ءِ تہ آہاں برطانیہ ءِ ھپت روچ ءِ دی اکنامسٹ ءِ تہ شنگ بوتگیں سروے رپورٹ شیئر کتگ ایشی ءِ تہ گوشگ بوتگ کہ پاکستانی دگنیا ءِ تہ درستاں چہ گیش اے گپے سرا یقین ایر کنوکیں ملک انت کہ کورونا وائرس دستاں گوں تالان مہ بوتگ۔گوزوکیں سال مارچ ءِ تہ بوتگیں سروے ءِ ردا 72 درسد پاکستانی اے گپے سرا یقین ایر کنگ انت کہ کجام درملکی تاگت اے وائرس ءَ تالان مہ کنگ انت ءُ اے قدرتی انت وھدیکہ ایوکا 23 درسد اے گمان انت کہ وائرس دستاں گوں تالان بوتگ۔اے سروے دگنیا ءِ 28 ملکانی تہ کنگ بوتگ،ایشی ءِ تہ امریکہ،برطانیہ، جرمنی،سوئٹزرلینڈ، جاپان،بھارت،ملائشیاء،روس،فرانس،اٹلی،کوریا،ترکی ءُ دگہ ھوار انت۔صدرمملکت ءَ گوشت کہ اگہ مہ راستی ءَ گوں دیم دیگ لوٹگ اوں تو مارا ایس او پیز ءِ سرا وڈ ءُ پیم کنگ لوٹ ایت۔مار دراھ ءَ را ماسک،دست شودگ ءُ سوشل ڈسٹنس ایر کنگ بیت۔