اسلام آباد۔ 03 جون (اے پی پی) بنجائی وزیر توانائی (پٹرولیم ڈویژن) عمر ایوب خان چارشنبے نادے آ ہائیڈرو کاربن ڈویلپمنٹ انسٹی ٹیوٹ آف پاکستان اٹی اسٹیٹ آف دی آرٹ پٹرولیم پراڈکٹس اینالسز اینڈ ٹیسٹنگ لیب انا بناءِ کرے۔ بنائی دود اٹی پٹرولیم ڈویژن نا بڑزکو عہدیدار و ایلو پنی آ چاہندار آک بشخ ہلکر۔ داکان مست پٹرولیم ڈویژن ہائیڈرو کاربن ڈویلپمنٹ انسٹی ٹیوٹ آف پاکستان (ایچ ڈی آئی پی) کن اسہ پوسکن ءُ اپ گریڈیشن پلان اس جوڑ کننگ نا منظوری ءِ تسوسس۔ دا پٹرولیم ڈویژن نا تینا غٹ تنظیم تیٹی جہانی گچین وڑوڈول آتے درستی راستی کرفنگ نا گام گیج آتا تسلسل ءِ۔ دا ڈٹ اٹی اسلام آباد، لاہور، کراچی، پشاور، کوئٹہ وملتان اٹی پٹرولیم مصنوعات آتا ٹیسٹنگ آسراتی تا اپ گریڈیشن نا تصور ءِ تننگانے۔ ڈٹ اٹی اسلام آباد اٹی پٹرولیم ٹیسٹنگ لیبارٹری نا آئی ایس او سند ءِ دوئی کننگ ہم اوار ءِ۔ دا ڈٹ ءِ اِراسال انا مد اٹی پورو کننگک و داڑآ 303.698 ملین روپئی خڑچ بریک۔ داڑآن ملک انا ڈاؤن سٹریم توانائی نا اسہ بھلو گرج اسے پورو کننگک، یعنی ناکافی و متکن آ ریفائننگ آپریشنز و تیل انا ذیلی آب اٹ مصنوعات آتے گچین کننگک۔ وزیراعظم پاکستان عمران خان نا وژن نا رداٹ دا اپ گریڈیشن یورو۔ Vایندھن و لیبارٹری جاچ انا پروٹوکول ءِ پورو کیک ہرا ماحول ءِ ساف ستھرا تخنگ کن المی ءِ۔ ہائیڈرو کاربن ڈویلپمنٹ انسٹی ٹیوٹ آف پاکستان (ایچ ڈی آئی پی) قومی پٹرولیم ریسرچ اینڈ ڈویلپمنٹ (آراینڈ ڈی) تنظیم ءِ۔ دا وزارت پٹرولیم و قدرتی وسیلہ غاتا وزارت نا وتواجہ ادارہ ءِ۔ ایچ ڈی آئی پی تینا جوڑ مننگ (1975) آن پد آن پی او ایل نا پڑاٹ کوالٹی کنٹرول فنکشن سرانجام تننگ ءِ ہرانا رداٹ حکومت تینا قیام و پارلیمنٹ نا ایکٹ نمبر 1 نا قرارداد نمبر ڈی پی 20(11)/ 82 نا ذریعہ حکومت ءِ تروک آ مینڈیٹ ءِ ہرانا رداٹ ایچ ڈی آئی پی ہرا افعال آتے انجام تننگ کن تننگانے دافتے ٹی ہندی و درآمد شدہ خام تیل انا اندازہ، پی او ایل مصنوعات آتا عنصر آتا جاچ و خام تیل و پٹرولیم مصنوعات آتا جانچ پڑتال اوار ءِ۔ بنائی وڑاٹ ، حکومت، دانا ایجنسی و صنعت، آئل مارکیٹنگ کمپنی، ریفائنریز پین پین ءِ جانچ انا آسراتی تا فراوانی کن کراچی ٹی ایچ ڈی آئی پی لیبارٹری جوڑ کننگا۔ حکومت نا پارت نا رداٹ پٹرولیم ٹیسٹنگ اینڈ ریسرچ لیبارٹریز جوڑ کرسا دا آسراتی تے ودفنگا۔ اسلام آباد و لاہور، پشاور، ملتان و کوئٹہ ٹی چار علاقائی پٹرولیم ٹیسٹنگ ہند ساڑی ءُ۔ دا لیبارٹری تیکن سازوسامان 1980 و 1990 نا دہائی ٹی دوئی کننگاسس، ہرافتے دا پروجیکٹ نا رداٹ پوسکن آ ٹیکنالوجی آن آراستہ کننگانے۔
