اسلام آباد۔ 3 فروری (اے پی پی)مزن وزیر ءِ صلاحکار برائے موسمیاتی بدلی ملک امین اسلم ءَ گوشت کہ کلین اینڈ گرین پروگرام ءِ وسیلگ ءَ ملک سرسبز ءُُ شاداب بیت، ایشی ءِ وسیلگ ءَ سبز ءِ آشوب کائیت،پروگرام ءَ را گیشتر ایکٹو کنگ ءِ ھاترا ”پکار“ءِ نام ءَ گوں ہیلپ لین ھم ہڈ دیگ بوھگ انت، اے ھوالہ چہ زوت وڈ ءُُ پیم بندات بیت،آہاں اے ھیالانی درشان ڈی سی آفس اٹک ءِ تہ کلین اینڈ گرین پروگرام ءِ ھوالہ چہ یک دیوان ءِ سروکی کنان ءَ کتگ ات۔دیوان ءِ تہ ڈپٹی کمشنر اٹک علی عنان قمر، ایڈ یشنل ڈپٹی کمشنرز،اسسٹنٹ کمشنرز ءُُ سرجمیں ضلع ءِ محکمہ آنی افسراں بھرزوراتگ۔ڈی سی اٹک ءَ بنجاہی صلاحکارءَ را سرجمیں ضلع ءِ تہ کلین اینڈ گرین پروگرام ءِ ردا جاڑی سرگرمیانی سرا سرجمیں بریفنگ داتگ۔آہاں گوشت کہ اٹک ءِ دراھیں تحصیل آنی تہ سر سبز ءُُ شاداب پروگرام ءِ ردا شجرکاری ءُُ اینٹی انکروچمنٹ جنز ترند ی ءَ گوں برجاہ انت ایشی ءِ تہ دراھیں ہمگرنچیں محکمہ ءِ افسراں، سرکاری،نیم سرکاری ادارگہاں چکاریں وڈ ءَ بھر زورگ انت۔اے موہ ءِ سرا تران کنان ءَ ملک امین اسلم ءَ گوشت کہ مہ دراھ ھواری ءَ اے ملک ءَ را ساپ ءُُ پلگارکنگی انت ءُُ اے ھاسیں زمہ واری ءِ تہ سرجمیں پاکستان ءِ مہلوک ءَ را ھم ھوار کنگی انت۔صفائی مئے نصف ایمان انت ایشی ءِ سرا مئے دین ءِ بنیات انت۔آہاں گوشت کہ کلین اینڈ گرین پروگرام ءَ را گیش موثر کنگ ءِ ھاترا ”پکار“ ءِ نام ءَ گوں ہیلپ لائن ھم ہڈ دیگ بوھگ انت ءُُ اے ھوالہ ءَ زوت وڈ ءُُ پیم بندات بیت۔صلاحکار ءَ ڈپٹی کمشنر اٹک علی عنان قمر ءُُ آئی دراھیں ٹیمب ءَ را پُرشانیں وڈ ءَ خراج عقیدت پیش کنان ءَ گوشت کہ ضلع اٹک سرجمیں پاکستان ءِ ھاترا رول ماڈل ءِ بستار انت۔ایشی ءِ ابید ملک امین اسلم ءَ ریلوے پارک ءِ بحالی ءِ پرمان ھم جاڑی کتگ ات۔پدا آہاں شاپنگ بیگز ءِ کارمرزی ءِ باروا یک سیمینار ءِ تہ ھم بھرزوراتگ۔اے موہ ءِ سرا تران کنان ءَ آہاں گوشت کہ ملک ءِ تہ یک ھساب ءِ ردا 55ارب شاپنگ بیگز کارمرز بوھگ انت۔ایشی ءَ چہ ماحول ءَ ھطرہ انت۔مہلوک ءَ چہ دزبندی کنگ بوھگ انت کہ آں پچ ءِ تھیلہ ءَ کارمرز کن انت۔مزن وزیر پاکستان ءِ صلاحکار برائے موسمیاتی بدلی ملک امین اسلم ءَ پدا لیاقت علی خان ہاکی اسٹیڈیم ءِ تہ شجرکاری جنز ءِ ردءَ پودا ھم جتگ۔
