بزرگ آتا شرف ننا دودوربیدہ ئی و مذہبی قدر آتا بنداوی بشخ ءِ، بنجائی وزیر انسانی حق انا پیرانگا بندغ آتا جہانی دے انا وخت آ کلہو

اسلام آباد۔ 01اکتوبر (اے پی پی)انسانی حق آتا بنجائی وزیر سینیٹر اعظم نذیر تارڑ پارینے کہ بزرگ آتا شرف ننا دود و ربیدہ ئی و مذہبی قدر آتا بنداوی بشخ ءِ و بحیثیت راج دا اقدار آتاپاسداری ننا اسیجائی زمواری ءِ ۔ پنچ شنبے نادے آ جاری کلہو اٹی بنجائی وزیر اعظم نذیر تارڑ پارے کہ پیرانگا بندغ آتا جہانی دے انا وخت آ نن تینا بزرگ شاری تے خراج تحسین پیش کینہ ، ہرافتا بصیرت، آزموندہ و مچ آ زنداناخذمت ننا خاہوت و راج اکن نہادی میرات ءُ۔ حکومت پاکستان پیر انگا بندغ آتا حق، وقار و راجی آسودہی نا رکھ و ہندن ءُ چاگڑد اسے نا مون آ دننگ کن سنرینگوک ءِ ہراڑے او رکھ، نگہداشت و شرف اتون زند ءِ گدریفنگ کیر۔ دا بابت اسلام آباد کیپٹل ٹیریٹری سینئر سٹیزنز ایکٹ 2021 اسہ اہم کانودی فریم ورک اس فراوان کیک۔ اعظم نذیر تارڑ پارے کہ ننا زمواری بیرہ کانود سازی اسکان محدود اف۔ خاہوت، راج ، سرکاری ادارہ و سول سوسائٹی ءِ اواری اٹ دا ہیت ءِ پک کروئی مریک کہ پیر انگا بندغ آک راج اٹی قدر و شرف، کمک و شمولیت اتون زند ءِ گدریفر۔ اوفتا وقار، راجی آسودہی و باعزت زند اس گدریفنگ نا حق انا رکھ ننا غٹ انا اسیجائی بایدے اولیت مرے ۔