بنجائی وزیر داخلہ نا بلوچستان و خیبرپختونخوا ٹی خوارجی تا برخلاف سرسہب کارروائی تیا سیکورٹی فورس آتے مبارکباد

اسلام آباد۔ 01اکتوبر (اے پی پی)بنجائی وزیر داخلہ محسن نقوی بلوچستان و خیبرپختونخوا ٹی دہشت گرد آتا برخلاف سرسہب انٹیلی جنس بیسڈ آپریشن تیا سیکورٹی فورس آتے خراجِ تحسین پیش کرینے۔ وزارت داخلہ غان جاری بیان نا رداٹ، محسن نقوی فتنہ الخوارج نا ناپاک ارادہ غاتے وخت آ بے سہب کننگ آ فورس آتاورناو آفیسر آتا بڑزکو کسبی لائخی تا ستاءِ کرے۔ محسن نقوی پارے کہ سیکورٹی فورس آک بلوچستان نا ضلع کچھی ٹی گچین کارروائی کرسا 6 خوارجی دہشت گرد آتے دوزخی کریر وخت اس کہ قطبی وزیرستان اٹی ہم بہادر ورناک جیرت مندی نا درشانی ءِ کرسا چندی خوارجی تے عبرتناک انجام اسکان سر کریر۔ بنجائی وزیر داخلہ پارے کہ سیکورٹی فورس آک بہادر گلزادہ غاتا وخت آ و جیرت مندانہ کارروائی تیا مچ آ قوم ءِ گمرءِ۔ او عزم انا درشانی ءِ کرسا پارے کہ دہشت گردی نا برخلاف دا فیصلہ ئی جنگ اٹی مچ آ قوم تینا بہادرفوج و کانود نافذ کروک ادارہ غاتون ہم کوپہ سلوک ءُ و ملک دشمن زموارآتا پورو چٹفنگ ءِ پک کننگک۔