وزیراعظم نا خصوصی کمکار قومی جان جوڑی ڈاکٹر ظفر مرزا و سیکرٹری جان جوڑی اللہ بخش ارومچی آن اسلام آباد آ سرمروک آ 101 پاکستانی شاری تا سکریننگ نا چاروکی ءِ کریر

اسلام آباد۔ 03 فروری (اے پی پی) وزیراعظم نا خصوصی کمکار قومی جان جوڑی ڈاکٹر ظفر مرزا و سیکرٹری جان جوڑی اللہ بخش دوشنبے نادے آ سدرن چائنہ ایئر نا جہاز انا کمک اٹ ارومچی آن اسلام آباد آ سرمروک آ 101پاکستانی شاری تا کورونا وائرس نا بابت سکریننگ نا عمل نا چاروکی ءِ کریر۔ وزارت جان جوڑی نا ذرائع نا رداٹ پاکستان و چین نا نیام اٹ براہ راست چاگڑدی سروس بحال مننگ نا سوب آن چین آن 101 پاکستانی شاری اسلام آباد انٹرنیشنل بالی پٹ آ سرمسنو ہرافتا سریننگ ءِ کننگ کن پوسکن آ و بڑزکو آب انا بست و بند کننگانے۔ ذرائع نا رداٹ سکریننگ نا عمل اٹ بندغ آتا کورونا وائرس آن زہمی مننگ نا شبہ غا اودے آئیسو لیٹ کننگک۔ یات سلے کہ پاکستان 29 جنوری آن چین اکن فلائٹ آپریشن آ پابندی خلکوسس۔