اسلام آباد۔ 2 فروری (اے پی پی)بنجاہی وزیر کمیونیکیشن مراد سعید ءَ گوشت کہ مزن وزیر عمران خان تمنی ضلعہانی تعمیر ءُُ ترقی ءِ ھاترا پُرجزم انت۔ وزیرستان ءِ بیئپاری آنی تاوان ءِ سرجمی کنیں،یک شمبے ءَ ادا اسلام آباد ءِ تہ وزیرستان ءِ بیئپاری ءَ گوں گپ ءُُ تران کنان ءَ کتگ ات۔بنجاہی وزیر ءَ گوشت کہ وزیرستان ءِ مردماں پاکستان ءِ امن ءِ ھاترا وتی گس یلہ داتگ ات۔ خیبر پختونخوا ءِ تہ مرج بیوکیں ضلہانی دیمروئی ءِ نوکیں دور بندات بیت۔آہاں گوشت کہ وزیرستان ءِ بیئپارانی تاوان ءِ ازالہ کنگ بیت۔تمنی ضلعہاں سکول ءُُ شاھدربر جاء جوڈ کنگ بنت۔تمنی ضلعہاں میڈیکل کالج ءِ جوڈ ءِ ھاترافنڈز ھم منظور کنگ بوتگ ات۔مرج بوتگیں ضلعہانی ہمک مردم ءِ ھاترا جان سلامتی کارڈ ءِ منظوری داتگ انت۔ صحت انصاف کارڈ ءِ وسیلگ ءَ ھپت لکھ 20ہزار ءِ تاں علاج مپت بیت۔مرج بوتگیں ضلعہانی تہ ورگ ءِ ساپیں آپ ءِ منصوبگانی سرا کار جاڑی انت۔آہاں گوشت کہ مزن وزیر عمران خان تمنی ضلعہانی دیمروئی ءُُ وشھالی ء، ھاترا جزمدار انت۔
