اسلام آباد ۔ 31 جنوری (اے پی پی) مزن وزیر عمران خان ءَ گوشت کہ کشت ءُُ کشار ءُُ دھکان آنی رکھینگ حکومت ءِ اولی کار آنی تہ ءَ ھوار انت، کشار آنی کجام ھم نمونگ ءِ ترس ءُُ بیم ءُُ ھوپ ھاسیں رنگ ءَ مدگ ءِ ترس ءَ گوں گر ءُُ چیل بوھگ ءِ واست بنجاھی حکومت ءَ ھمک رنگیں گامگیج چست کتگ ءُُ لوٹ بوتگیں آسراتی پجارینتگ ۔ آدینگ ءِ روچ ءَ مزن وزیر کارگس ءِ نیمگ ءَ جاڑی بوتگیں بیان ءِ رد ءَ دیوان ءَ وزیر ءِ نیشنل فوڈ سیکورٹی مخدوم خسرو بختیار، مشیر ھزانگ ڈاکٹر عبدالحفیظ شیخ، ھاسیں کمکار برائے ا ھوالکاری ءُُ شنگ کاری ڈاکٹر فردوس عاشق اعوان، چیئرمین این ڈی ایم اے لیفٹیننٹ جنرل محمد افضل ءُُ بنجاھی ءُُ صوبائی حکومت آنی کلانہ ایں اپسرگ شریک اتنت ۔
