حکومت نا کوشست آتیان سعودی عرب نا جیل آتے ٹی بند پاکستانیک پدی بننگ نا بناءِ کرینو، باسک قومی اسمبلی عامر محمود کیانی نا پارلیمنٹ ہاءوس نا پیشن میڈیا تون گپ وتران

اسلام آباد ۔ 31جنوری (اے پی پی) پاکستان تحریک انصاف نا سیکرٹری جنرل باسک قومی اسمبلی عامر محمود کیانی پارینے کہ حکومت پاکستان نا کوشست آتیان سعودی عرب نا جیل آتے ٹی بند پاکستانیک پدی بننگ نا بناءِ کرینو ۔ قومی دولت ءِ پلوک آتے عدالت نا کمک اٹ پدی اتنگک، وزارت خارجہ چین اتون رابطہ ٹی ءِ، پاکستانی طالب علم آک خیر وخیریت اٹی ءُ ۔ جمعہ نادے آ پارلیمنٹ ہاءوس نا پیشن میڈیا تون گپ و تران کرسا اوپارے کہ وزیراعظم پاکستان سعودی عرب نا جیل اٹی بند پاکستانی تا رہائی کن سعودی عرب تون گپ وتران کریسس ہراٹی درو سعودی عرب نا جیل آتے ٹی بند پاکستانیک وطن آ پدی بننگ نابناءِ کرینو و ہنداوڑ ایلو ملک آتے ٹی ہم ہراڑے پاکستانی بندی ءِ اوفتے پدی اتنگک ۔ اسہ سوج اسے نا ورندی ٹی اوپارے کہ قومی دولت ءِ پلوک آک پیشن نا ملک آ نرانو ۔ اوفتے عدالت نا کمک اٹ پدی اتنگک و اوفتیان قومی دولت ءِ پدی ہلسا قومی خزانہ ٹی جمع کرفینہ ۔ اسہ پین سوج اسے نا ورندی ٹی اوپارے کہ چین اٹی پاکستانی طالب علم آک خیر وخیریت اٹی ءُ ۔ وزات خارجہ دا بابت چین اتون رابطہ ٹی ءِ ۔