اسلام آباد ۔ 31جنوری (اے پی پی) پاکستان و امریکہ اوغان امن عمل نا بابت اسیجا کوشست آتے کاریم اٹ اتنگ کن سلابتی چرجوئی ءِ برجاتخنگ آ امنا کرینو ۔ دا امناوزیر خارجہ شاہ محمود قریشی تون اوغانستان کن امریکہ نا نمائندہ خصوصی زلمے خلیل زاد نا جمعہ نا دے آ وزارت خارجہ ٹی اوڑدہی ٹی مس ۔ دفترخارجہ نا رداٹ ہیت وگپ اٹی اوغانستان اٹی امن کن کروک آ کوشست آتون اوار ڈیہہ ٹی امن و ایمنی ناجم حالیت آتیا گپ و تران کننگا ۔ زلمے خلیل زاد وزیر خارجہ ءِ طالبان آتون برجا امن مذاکرات نا بابت ساڑی حالیت آتا سرجم آتیان معلومدار کرسا پاکستان نا خیرخواہی کڑد انا سفتءِ کرے ۔ وزیر خارجہ شاہ محمود قریشی پارے کہ امریکہ و طالبان تا نیام اٹ امن معاہدہ طے مننگ آن ’’انٹرا اوغان مذاکرات‘‘ نا کسر آوار مریک ہرا نئے بیرہ اوغانستان کن بلکن مچ آ ڈیہہ نا امن و سوگوی کن خوش آئند ثابت مریک ۔ وزیر خارجہ پارے کہ پاکستان اسیجا زمواری ءِ پورو کرسا اوغانستان اٹی امن کن کروک آ کوشست آتا مخ تفی ءِ برجاتخک ۔ کڑدہ غاک اوغان امن عمل نا بابت اسیجا کوشست آتے کاریم اٹ اتنگ کن سلابتی چرجوئی ءِ برجاتخنگ آ امنا کریر ۔
