اسلام آباد ۔ 31جنوری(اے پی پی) مزن وزیر عمران خان (مرچی) آدینگ ءِ روچ ءَ کفالت پروگرام ءِ بنگیج ءَ کنت ایشی ءِ وسیلگ ءَ سرج میں ملک ءَ چہ 7ملین گریبیں زالبول آناں 2000کلدار مالی کمک پجاری کنگ بیت ۔ وزارت ءِ چاگردی رکھینگ ءِ ھال رسانک آنی رد ءَ احساس کفالت کارڈ ءِ سر ءَ قائداعظم ءِ اکس ءِ چاپ کنگ حکومت ءِ ارزشتی ایں ءُُ مزن جگری پیسلہ ات ۔ گوستگیں وھد ءَ بی ا ائی ایس پیءِ کارڈ ءِ سر ءَ سیاسی سروک آنی اکس لگ اتگ بوتگ ۔ احساس کفالت کارٹ ءِ سر ءَ قائداعظم ءِ اکس ءِ جنگ ءَ چہ حکومت ءَ گہبودی ادارگ آناں سیاست ءَ چہ یک کرّ جوڑ کنگ ءِ ارزشتی ایں پیسلہ ات ۔ احساس کفالت پروگرام ءِ چیر دستی ءَ توا میں بزگیں مردم آناں ، مزن وزیر ءِ ’’راشن وظیفہ ‘‘ ءُُ ون وومن ون بنک اکاءونٹ‘‘ وژن ءِ رد ءَ ھاسیں اے ٹی ایمز ءُُ بینک ءِ برانچ آنی وسیلگ ءَ دیگ ءِ آسراتی پجاری کنگ بہ بیت ۔ ھمک بزگیں ھاندان آناں وتی سیونگ اکاءونٹ ءِ آسراتی رس ایت ۔ اے پروگرام ءِ بنگیج ءَ چہ زالبول آناں مالی ءُُ ڈیجیٹل نظام ءَ گوں بندوک بوھگ ءِ موہ رس ایت ۔ ’’ کفالت بی آئی ایس بی ءِ مالی کمکءَ چہ گوستگیں پروگرام ءَ چہ سک باز جتا انت ۔ ایشی ءِ تہءَ دھ سال ءَ چہ پد بنیاتی مٹ ءُُ بدلی کنگ بوتگ ۔ بزگیں رجسٹریشن ءِ واستہ سروے کار رپک ءَ را مٹ کنگ بوتگ ۔ اولی سروے دھ سال کوھنین ات ءُُ زرّ ءِ بھر کنگ ءِ نظام ھم دھ سال کوھنین بوتگ انت ۔ نوں نوکیں ڈیجیٹل زرّ ءِ بھر ءُُ بانگی نظام آرگ بوتگ ۔ رسانکی در آنی رد ءَ اے پروگرام ءِ چیر دستی ءَ فروری 2020ءَ 15ضلع آنی تہءَ ڈیسک رجسٹریشن بیت ۔ اے ضلع آنی تہ ءَ سجاول، بہاولپور، چکوال، چارسدہ، فیصل آباد، ہری پور، جیکب آباد، کیچ، قلعہ سیف اللہ، لکی مروت، لیہ، مہمند ایجنسی ، نصیر آباد، سکھر ءُُ ٹھٹھہ ھوار انت ۔ ھمے رد ءَ 55 ضلع ءَ لوگ لوگ ءَ سروے کساس سرجم کنگ بوتگ ءُُ ایشی ءِ تہ ءَ رجسٹریشن مارچ 2020ءَ بیت ۔
