حکومت ءِ اتحادی گل آنی گوما رابطہ ءِ واستہ جتا جتائیں کمیٹی ءِ جوڑیشت اسلام آباد ۔ 30 جنوری (اے پی پی) مزن وزیر عمران خان ءَ حکومت ءِ اتحادی گل آنی گوما رابطہ ءِ واستہ جتا جتائیں کمیٹی جوڑ کت ۔ اے ھوالگ ءَ پیسلہ اتحادی گل آنی نیمگ ءَ چست بوتگیں جیڈھ آنی چار ءُُ بچار ءِ واستہ برجم داشتگیں یک دیوانے ءَ کنگ بوت ایش پنچ شمبے …
مزن وزیر عمران خان ءِ سروکی ءَ دیوان ، پاکستان تحریک انصاف ءِ کمکی گل آنی گوما رابطہ آنی بابت ءَ سرج میں ھیال ریچی کنگ بوت
گیشتریں ھال
حکومت ءِ اتحادی گل آنی گوما رابطہ ءِ واستہ جتا جتائیں کمیٹی ءِ جوڑیشت
اسلام آباد ۔ 30 جنوری (اے پی پی) مزن وزیر عمران خان ءَ حکومت ءِ اتحادی گل آنی گوما رابطہ ءِ واستہ جتا جتائیں کمیٹی جوڑ کت ۔ اے ھوالگ ءَ پیسلہ اتحادی گل آنی نیمگ ءَ چست بوتگیں جیڈھ آنی چار ءُُ بچار ءِ واستہ برجم داشتگیں یک دیوانے ءَ کنگ بوت ایش پنچ شمبے ءَ ادا مزن وزیر عمران خان ءِ سروکی ءَ مزن وزیر کارگس ءَ برجم دارگ بوت ۔ دیوان ءَ پاکستان تحریک انصاف ءِ اتحادی گل آنی گوما رابطہ آنی بابت ءَ سرج میں ھیال ریچی کنگ بوت ۔ مزن وزیر ءَ اے گپ ءِ سر ءَ زور پر دات کہ رابطہ آنی اے کار ءَ را گیش مھکم ءُُ برجم بوھگ لوٹ ایت تانکہ توا میں حکومتی اتحادی آنی نیام ءَ رابطہ آنی تہ ءَ کجام ھم نمونگے کمی مہ بیت ۔ اے رد ءَ مزن وزیر ءَ وزیر ءِ دیمپانی پرویز خٹک ءِ سروکی ءَ پاکستان تحریک انصاف ءِ جتا جتائیں کمیٹی جوڑ کنگ ءِ پنت ءُُ شون دات ۔ ایم کیو ایم ءُُ جیڈی اے ءِ گوما رابطہ ءِ واستہ جوڑ کتگیں کمیٹی ءِ تہ ءَ اسد عمر (کنوینر)، عمران اسماعیل، فردوس شمیم نقوی ءُُ حلیم عادل شیخ ھوار انت ۔ پاکستان مسلم لیگ (ق) ءِ گوما رابطہ ءِ واستہ جوڑ کتگیں کمیٹی ءَ چوہدری محمد سرور (کنوینر)، سردار عثمان بزدار ءُُ شفقت محمود ھوار انت ۔ ھمے رنگ ءَ اے پی، بی این پی ءُُ جے ڈبلیو پی ءِ گوما رابطہءِ واستہ جوڑ کتگیں کمیٹی ءَ پرویز خٹک (کنوینر)، قاسم سوری ءُُ میر خان محمد جمالی ھوار انت ۔
