مزن وزیر عمران خان احساس پروگرام ءِ چیر دستی ءَ کفالت پروگرام ءِ (مرچی) بنگیج ءَ کنت

اسلام آباد ۔ 30 جنوری (اے پی پی) مزن وزیر عمران خان احساس پروگرام ءِ چیر دستی ءَ کفالت پروگرام ءِ (مرچی) آدینگ ءِ روچ ءَ بنگیج ءَ کنت ایشی ءِ چیر دستی ءَ سرج میں ملک ءَ چہ سئے بھر آنی تہ ءَ درستی 70 لکھ زالبول آناں مالی رد ءَ وت مستر جوڑ کنگ بیت ۔ چاگردی رکھینگ ءُُ گریبی ھلاس کنگ ءِ ڈویژن ءِ رسانک در آنی رد ءَ اولی بھر ءَ 70ضلع آنی تہ ءَ 10لکھ ھاندان آناں درج کنگ ءِ گوما گریبی ءِ اے پروگرام ءِ واستہ انتظامی کار سرجم کنگ بوتگ انت ۔ ایشی ءِ رد ءَ 2ہزار کلدار ھمک ماہ نگدی زرّ، 75ہزار کلدار بے سوتی وام بھر آنی تہ ءَ دیگ ءِ واستہ احساس کفالت پروگرام ءَ 70 لکھ گریبیں زالبول آناں درج کنگ بیت ۔ اے ھاندان آناں اے پروگرام ءِ وسیلگ ءَ فروری مارچ ءِ مال ءَ وظیفہ رسگ بندات بیت، وھدیکہ گریب آناں ڈیسک رجسٹریشن ءِ وسیلگ ءَ درج کنگ بیت ۔