سلاہکار واپار عبدالرزاق داءود نا پاک ۔ افریقہ واپاری کانفرنس آن تران

نیروبی ۔ 30 جنوری (اے پی پی) وزیراعظم نا سلاہکار واپار عبدالرزاق داءود پارینے کہ ’’پاک ۔ افریقہ واپاری کانفرنس‘‘ آن واپار و زرکاری ءِ مون آ دننگک، معاشی تعلقداری تے ودفنگ اٹ دا کانفرنس مزل نا نشان مریک، پاکستان و افریقہ نا نیام اٹ واپار ءِ ودفنگ نا بھلو گنجائشت اس ارے ۔ پاک ۔ افریقہ واپاری کچ تدوک آ 2سال آن 4 ارب ڈالر ءِ ، افریقہ تینا سفارت خانہ غاتے ٹی 6پوسکن ءُ واپاری ونگز جوڑ کرینے ہرافتے ٹی الجیریا، مصر، ایتھوپیا، سینیگال، سوڈان و تیونس اوار ءُ ۔ داخیال آتا درشانی ءِ او نیروبی ٹی مروک آ پاک ۔ افریقہ واپاری کانفرنس آن تران کرسا کرے ۔ اوپارے کہ افریقی ملک آتون واپار و زرکاری ءِ ودفنگ نا بھلو وارخواہی اس ساڑی ارے، پاکستان نا ساڑی حکومت جہانی کہول آ واپار ءِ مون آ دننگ و ملک اٹی کاروبار اٹ آسانی ودی کننگ کن اصلاحات کننگ ءِ ہراڑان پیشن نا زرکار آک پبی فائدہ ہرفنگ کیرہ ۔ اوپارے کہ تدوک آ اِراسال اٹی پاک ۔ افریقہ واپاری کچ چار ارب ڈالر ءِ ہراٹی کیہی گناودکی نا گنجائشت ارے ۔ اوپارے کہ تین پہ تینی تعلقداری تے شاری تا راجی آسراتی و معاشی تعلقداری تے سوگوی ٹی بدل کننگے ۔