چینی کمامدارآک کرونا وائرس نا دین نا مون ءِ توننگ کن مثالی کوشست کرینو، وزیر خارجہ شاہ محمود قریشی

اسلام آباد ۔ 30 جنوری (اے پی پی) وزیر خارجہ شاہ محمود قریشی پارینے کہ چینی کمامدارآک کرونا وائرس نا دین نا مون ءِ توننگ کن مثالی کوشست کرینو ، چین نا کنڈآن دا دین نا مون ءِ توننگ و دانا توننگ کن ہراڑکن بھلو کچ اسے آ پبی و گچین گام گیج چست کننگانے، دا وڑنا چیلنج آتون مون تننگ اٹ اوفتا مثال ملیپک ۔ پنچ شنبے نادے آ کروناوائرس نا مون ءِ توننگ نا بابت تینا بیان اٹی اوپارے کہ پاکستان نا حکومت، الس و سرکڑدہ کرونا وائرس نا مون ءِ توننگ کن چین نا الس و سرکڑدہ غاتون تفوک ءُ و دارداٹ اوفتا جیرت مندانہ کوشست و گام گیج آتا پبی مخ تفی ءِ کینہ ۔ وزیر خارجہ پارے کہ چینی کمامدارآک کرونا وائرس نا دین نا مون ءِ توننگ کن مثالی کوشت کرینو ۔ چین نا کنڈآن دا دین نا مون ءِ توننگ و دانا توننگ کن ہرابھلو کچ اسے آ پبی و گچین گام گیج چست کننگانے، داوڑنا چیلنج اتون مون تننگ اٹ اوفتا مثال ملیپک ۔ اوپارے کہ جہانی برادری بھلو کچ اسے آ چین نا کنڈآن کروک آ کوشست آتا ستاءِ کرینے وخت اس کہ ڈائریکٹر جنرل جہانی ادارہ جان جوڑی ساڑی ٹی چین نا دورہ ءِ کرے و دادین اتون مون تننگ کن چین نا سنجیدگی نا ستاءِ کرے ۔ اقوام متحدہ نا سیکرٹری جنرل ہم چین نا کوشست آتیا اودے خراج تحسین پیش کرینے ۔ اوپارے کہ کرونا وائرس تون مون تننگ نا کوشست آتے ٹی چینی ایلم تا ہروڑ کمک ءِ کننگ کن ہروخت تیار اُن ۔ نن چینی حکومت نا بے حد منت وار اُن کہ او چین اٹ رہینگوک پاکستانی شاری تے ہروڑ کمک فراوان کرے ۔ ہچ ءُ شک اس اف کہ برادر چینی الس تینا روایتی جیرت و دلیری اٹ دا چیلنج اٹ سرسہب مریرہ ۔