اسلام آباد۔ یکم جنوری (اے پی پی)پاکستان ءُُ بھارت ءَ جوہری تنصیبات ءِ سرا اُرش نہ کنگ ءِ لڑ ءِ تچکی ءَ گوں مٹ ءُُ سٹ کتگ۔دری معاملہانی کارگس ءِ نیمگا چہ جاڑی یک بیان ءِ ردا پاکستان ءَ جوہری تنصیبات ءِ سرا اُرش نہ کنگ ءِ معاہدہ ءِ شق 2ءِ ردا چار شمبے ءِ سہب ءَ پاکستانی وھد ءُُ پاس ءِ ردا دھ ءُُ نیم کلاک ءَ پاکستانی اٹامک تنصیبات ءِ لڑ دری معاملہانی کارگس ءِ تہ تچکی ءَ بھارتی ہائی کمیشن ءِ نماھندگ ءِ ھوالہ کتگ۔دوئیں ملکانی تہ جوہری تنصیبات ءِ سرا اُرش نہ کنگ ءِ معاہدہ ءِ سرا 31دسمبر 1988ءَ دستخط کتگ ات۔بھارتی دری معاملہانی کارگس ءَ نئی دہلی ءِ تہ بھارتی جوہری تنصیبات ءِ لڑ (بھارتی وھد ءُُ پاس ءِ ردا)یازدھ بج ءَ پاکستانی ہائی کمیشن ئئِ نماھندگ ءِ ھوالہ کتگ۔معاہدہ ءِ شق انت کہ دوئیں ملک ہمک سال یکم جنوری ءَ یک دومیگ ءَ را وتی جوہری تنصیبات ءَِ چہ سرپد کن انت۔اے رد یک جنوری1992ءَ چہ یکشل ءَ برجاہ انت۔
