اسلام آباد۔ 28 اگست (اے پی پی) بنجائی وزیر ہوابازی غلام سرور خان پارینے کہ ترکی و پاکستان ایوی ایشن نا بشخ اٹی پین کمکاری ءِ ودفرہ۔ داہیت ءِ او چارشنبے نادے آ ترک سفیر مصطفی یرداکل تون اوڑدہی ٹی پارے۔ ہڑتوم آ راہشونک ہوابازی نا بشخ اٹی تین پہ تینی تعلقداری تیا اتفاق رائے کریر۔ غلام سرور خان پارے کہ پاکستان و ترکی نا برادرانہ تعلقداری ءِ و دا تعلقداری تین پہ تینی عزت و شرف و پت انا سوب آن جوڑ ءِ، ہنداوڑ مصطفی یرداکل دا پیدوار کرے کہ ترکی ہم پاکستان تون تینا رابطہ غاتے ودفنگ آ یخین تخک، پاکستان و ترکی نا نیام اٹ ایئر سروس ایگریمنٹ 1972ء ٹی مس۔ پی آئی اے و ایئر بلودا معاہدہ نا رداٹ ترکی ٹی آپریشنل ءُ وخت اس کہ ترکی نا کنڈآن ترکش ایئر لائن و پیگاسس ایئر لائن کاریم اٹ اتنگرہ۔ ہڑتوم آ ملک آتا ایوی ایشن نا بشخ انا نیام اٹ 20 اکتوبر 2015ء آ مفاہمت نا یات داشت آتیا دستخط کننگا۔ دا معاہدہ نا رداٹ پاکستانی ایئر لائن استنبول، انقرہ تون اوار 4ایلو شار تیٹی آپریشن ءِ برجاتخک وخت اس کہ ترکش ایئر لائن کراچی، اسلام آباد، لاہور، ملتان، فیصل آباد، کوئٹہ و سیالکوٹ اٹی آپریشنل مریک۔ ہڑتوم آ ملک آتا ایئر لائنز 47فلائٹ چلینگ انگ کیک۔ استنبول و کراچی نا نیام اٹ ہفتہ وار 14فلائٹ، استنبول و لاہور نا نیام اٹ ہفتہ وار 7 فلائٹ، استنبول و اسلام آباد نا نیام اٹ ہفتہ وار 7 فلائٹ، استنبول و سیالکوٹ نا نیام اٹ ہفتہ وار 4فلائٹ تخنگ آ معاہدہ مس۔ تھرڈ، فورتھ و فریڈم ٹریفک رائٹس نا رداٹ پاکستانی و ترکش ایئر لائنز کارگو کن لامحدود جہاز چلیفنگ کیک۔ داوخت آ اقبال آصف جوائنٹ سیکرٹری ایوی ایشن ڈویژن ہم ساڑی ئس۔
