اسلام آباد۔6جولائی (اے پی پی):بنجاھی تہی کارانی وزیر محسن نقوی ءَ گشتگ کہ کربلا ءِ وئیل راستی ءُ انصاف ءِ چست ءُ ایر ءِ مستریں کسہ انت۔ امام حسین (ع) ءَ وتی گران بھائیں ھوناں پہ قوم ءَ داں قیامت ءِ روچ ءَ راست ءُ نادرست ءِ سیمسر ءَ پدر کتگ۔ مرچی یزیدی لشکر وتی بدیں نیتانی پیلو کنگ ءِ ھاترا فتنہ الهندستان ءِ دروشم ءَ سازش کنگ ءَ ھوار اَنت۔ ہر کس امام حسین (ع) ءِ درپشناکیں تعلیمات ءِ سرا عمل بہ کنت ءُ یزیدی قوتانی ناپاکیں نیتاں ھلاس بہ کنت۔ بنجاھی داخلہ ءِ وزیر محسن نقوی ءَ عاشورہ ءِ روچ ءَ وتی کلوہ ءِ تہ ءَ گوشت کہ امام حسین ءَ قیامت ءِ روچ ءَ تاں وتی گران بھائیں ھون ءَ گوں راج ءِ واستہ ھک ءُ نادرست ءِ سیمسر ءَ را پدر کتگ۔ امام حسین (ع) ءَ گوشت کہ ایمان ءِ راہ ایوک ءَ عمل ءَ چہ رُژنائی بیت۔ محسن نقوی ءَ گوشت کہ عاشورہ ایوک ءَ راجدپتر نہ اِنت، ایشی ءَ چہ بیداری ءِ مرکز اِنت، ایشی ءِ تہ ءَ ایمان ءَ نیزہ شکست داتگ ءُ مزنیں قربانی ءَ مذہب ءَ را جان داتگ۔ وزیر داخلہ ءَ گوشت کہ یزید یک ھرابیں طاقت ءِ نام ات کہ مٹ کنگ بوتگ، حسین (ع) راستی ءُ انصاف ءِ چمکداریں استال ات کہ پہ ابد ابدمان بوت۔ آئی ءَ گوشت کہ عاشورہ ءِ روچ ءَ آپ بند کنگ بوتگ بلے امام حسین ءَ ابدمانیں سبق داتگ کہ مرچی ھم ایمان ءَ آپ کنگ ءَ اِنت۔ بنجاھی داخلہ ءِ وزیر ءَ گوشت کہ کربلا ءِ وئیل راستی ءُ انصاف ءِ عروج ءُ برز کنگ ءِ مستریں کسہ انت، امام حسین (ع) ءِ فلسفہ سرجمیں انسانیت ءِ واستہ رژن ءِ چراگ انت۔ محسن نقوی ءَ گوشت کہ امام حسین (ع) ءِ زند ءَ چہ اے کلوہ رس ایت کہ راستی ءِ راہ ءَ آیوکیں درستیں آزمائش برداشت کنگ بہ بنت – آئی ءَ گوشت کہ یزیدی لشکر مرچی فتنہ الهندستان ءِ دروشم ءَ وتی ناپاکی ءِ ارادہ ءِ پیلو کنگ ءِ سازش ءَ ھوار انت۔ محسن نقوی ءَ گوشت کہ ھرکس ءَ امام حسین ءِ درپشناکیں وانینگ آنی سر ءَ عمل کنگی اِنت ءُ یزیدی فورسز ءِ ناپاکیں نیت آناں زمین ءَ چہ ھلاس کنگی اِنت۔ محسن نقوی ءَ گوشت کہ کربلا ءِ جنگ ءَ چہ اے کلوہ رس ایت کہ اسلام ءِ مزنیں ارزشت ءُ اصول آنی واستہ ھچ وڑیں قربانی دیگ ءَ چہ چک ءُ پد مہ بیت۔ آئی ءَ گوشت کہ مھروانیں وطن ءِ ھاتر ءَ ھمک مردم ءَ وتی اختلاف آناں ھلاس کنگی انت ءُ دروگیں قوت آنی ھلاپ ءَ یکجا بوھگی انت۔ محسن نقوی ءَ گوشت کہ من دعا کن آں کہ اللہ تعالیٰ مارا حسین ءِ رندگیری ءِ توان ءَ بہ دنت۔
