لاہور۔ 6جولائی (اے پی پی): بنجاھی تہی کارانی وزیر سید محسن رضا نقوی ءَ مزن وزیر محمد شہباز شریف ءَ گوں گند ءُ نند کتگ ءُ مزن وزیر ءَ را سرجمیں ملک ءِ جاور ھال ءُ عاشورہ ءِ موہ ءَ کتگیں ایمنی ءِ بندوبست آنی بابت ءَ سرپد کتگ۔ مزن وزیر کارگس ءِ پریس ونگ ءِ رد ءَ مزن وزیر شہباز شریف ءَ صوبگ آنی سر وزیر مریم نواز، مراد علی شاہ، علی امین گنڈا پور، میر سرفراز بگٹی ءُ مزن وزیر آزات جموں ءُ کشمیر چوہدری انوار الحق ءُ سروزیر گلگت بلتستان گلبر خان ءَ را جوانیں سیکورٹی بندوبست کنگ ءِ پدا توسیپ ءُ ستا پیش کت۔ مزن وزیر ءَ صوبائی انتظامی، پولیس، سیکورٹی فورسز ءُ رینجرز ءِ ھم توسیپ کتگ۔ مزن وزیر ءَ گوشت کہ صوبائی حکومت ءُ سیکورٹی فورسز ءِ جوانیں ءُ پیشہ وارانہ منصوبگ بندی ءَ چہ الس ءِ واستہ عاشورہ ءِ امن ءُ ایمنی ءِ رنگ ءَ برجم دارگ ممکن بوتگ۔ تہی کارانی وزیر محسن نقوی ءَ مزن وزیر ءَ را سرپد کت کہ عاشورہ ءِ موہ ءَ حکومت ءَ سیکورٹی ءِ بندوبست ءَ را دل یکیمی کنگ ءُ الس ءَ را آسراتی پجاری ءِ واستہ ھمک رنگ ءِ گامگیج چست کتگ۔ مزن وزیر ءَ عاشورہ ءِ واستہ جوانیں رنگ ءَ بندوبست کنگ ءِ پد ءَ وفاقی وزیر داخلہ محسن نقوی ءَ را ساڑات۔
