اسلام آباد۔ 28 اگست (اے پی پی) خیبر پختونخوانا 27 ضلع غاتون اوار ملک انا 46 خاص انگا ضلع غاتے ٹی مسہ دے ئی خصوصی انسداد پولیو مہم برجاءِ، مہم اٹی پنچ سال انا وئی اسکان نا 86لکھ چناتے پولیو نا پڑی کنفنگ انگ ءِ، مہم اٹی خیبرپختونخوا نا 27 ضلع غاتے ٹی پنچ سال آن کم وئی نا 46لکھ چناتے پولیو نا پڑی کنفنگک۔ انسداد پولیو مہم نا کمامدارآتارداٹ 46خاص انگا ضلع غاتے ٹی غٹ آن زیات خیبر پختونخوانا ضلع غاتا کچ 27 ءِ، ہراڑے مسہ قبائلی ضلع باجوڑ، خیبر و قطبی وزیرستان تون اوار صوبہ نا ایلو ضلع بنوں، لکی مروت، ڈیرہ اسماعیل خان، تورغر، ہنگو، چارسدہ و شانگلہ ٹی داوخت اسکان پولیو آن زہمی چناتا کچ 41اسکان سرمسنے۔ کمامدارآتارداٹ انسداد پولیو مہم اٹی صوبہ پنجاب نا 4ضلع لاہور، سرگودھا، میانوالی و جہلم، صوبہ سندھ انا 5ضلع جیکب آباد، کشمور، دادو، جامشورو و حیدر آباد وخت اس کہ بلوچستان نا 7 ضلع کوئٹہ، پشین، نصیر آباد، جعفرآباد، جھل مگسی، صحبت پور و قلعہ عبداللہ وخت اس کہ گلگت بلتستان اٹی ضلع دیامیر اٹی پولیو نا پڑی کنفنگ انگ ءِ۔
