اسلام آباد۔6جولائی (اے پی پی):صدر آصف علی زرداری ءَ گوشت کہ عاشورہ ءِ روچ اسلامی راجدپتر ءِ یک رژنائیں ءُ ابدمانیں بابے، ایشی ءِ تہ ءَ مارا قربانی، راستی ءُ مخلصیں جزم ءِ کلوہ دیگ بیت۔ اے روچ ءَ رسول اللہ صلى الله عليه وسلم ءِ نواسگ حضرت امام حسین (رضی اللہ عنہ) ءِ مزنیں شہادت ءِ یات ءَ دارگ بیت کہ دروگ ءِ ھلاپ ءَ ابدی جہد ءِ علامت اِنت۔ صدارتی ماڑی ءِ پریس ونگ ءِ رد ءَ اسلامی جمہوریہ پاکستان ءِ صدر آصف علی زرداری ءَ عاشورہ 1447ہ ءِ روچ ءِ درگت ءَ راج ءَ را وتی کلوہ ءِ تہ ءَ گوشت کہ اے روچ نہ ایوک ءَ قربانی، وفاداری ءُ صبر ءِ بے دروریں کسہ اِنت بلکیں اے روچ ءِ تہ ءَ ایمانداری ءِ بے دروریں کسہ اِنت کہ ہر دور ءِ رژنائیں چراگ ءِ درشان اِنت۔ امام اعلیٰ ءِ شہادت ہچ وڑیں سیاسی یا زمانی مصلحت ءِ آسر نہ بوتگ بلکیں اے یک الہی ماموریت یے بوتگ کہ آئی ءِ بُن ھشت راستی، انصاف ءُ خدا ءِ رضا بوتگ۔ آئی ءَ گوشت کہ کربلا ءِ سرزمین ءِ سر ءَ ایوک ءَ جنگ نہ بوتگ بلکیں ضمیر، کردار ءُ مذھب ءِ راستیں روح ءِ چکاس بوتگ۔ صدر ءِ مملکت ءَ گوشت کہ امام حسین (رضی اللہ اللہ اللہ اللہ اللہ عنہ) ءُ آئی ءِ شہیداں گریبی، تُن ءُ مرگ ءِ شدت ءَ را منگ ءَ چہ انسانیت ءِ راجدپتر ءَ را یک انچیں سبق داتگ کہ وھد کدی شموشت نہ کنت۔ آئی ءِ کلوہ مرچی ھم زندگ اِنت ءُ اے یک مزنیں کلوہے کہ اصولانی سرا مھکم اوشتاتگ، زلم ءُ زوراکی ءِ دیم ءَ جھکگ ءُ راستی ءِ ھاترا ھرچ قربانی دیگ بہ بیت۔ صدر ءِ مملکت ءَ گوشت کہ اگاں ما مرچی وتی ملک ءِ دیم ءَ اوشتاتگیں چیلنج آناں ھیال ءُ لیکہ بہ کن ایں گڈا مارا اے مارشت بیت کہ مارا یک راجی رنگ ءَ حسینی کردار ءِ سک باز ضلورت اِنت۔ مارا امام حسین ءِ راہ ءِ سرا روگ ءَ نہ ایوک ءَ وت ءَ اصلاح کنگی اِنت بلکیں وتی حکومتی نظام، چاگردی رویہ ءُ راجی اولویتاں ایمانداری، شرافت ءُ راجی وشحالی ءِ بنیاد ءَ ایر کنگی اِنت۔ صدر آصف علی زرداری ءَ گوشت کہ مارا مرچی عہد کنگی انت کہ ما پاکستان ءَ امام حسین ءِ آجوئی ءُ انصاف ءِ کلوہ ءِ جلوہ جوڑ کناں ءُ براتی، مہر، برداشت ءُ راجی یکوئی ءَ را دیم ءَ براں۔ من چہ اللہ تعالیٰ ءَ دعا کناں کہ مارا امام حسین ءِ راہ ءَ روگ ءِ توسیپ بہ دنت۔ مئے دلاں ایمان، دلیری، تقویٰ، صبر ءُ قربانی ءِ زہرشانی ءَ زندگ بہ کنت ءُ مئے ملک پاکستان ءَ استحکام، وشحالی ءُ یکے دومی ءِ مہر ءِ جھولا جوڑ بہ کنت۔
