پشاور۔ 06 جولائی (اے پی پی):کشمیر ءِ کار آنی بنجاھی وزیر گلگت بلتستان ءُ سفرون ءُ صدر پاکستان مسلم لیگ ءِ انجینئر امیر مقام ءَ گوشت کہ حکومت ءَ بازیں اقتصادی مول ءُ مراد سرجم کتگ، مئے حکومت ءِ دلگوشی ءِ آیوکیں مول ءُ مراد گیش ءَ چہ گیش مردم آناں پھجارینگ اِنت۔ یک شمبے ءِ روچ ءَ شانگلا پوران ضلع ءَ نادرا مرکز ءِ بنگیج ءَ پد مزنیں لس مچی ءَ گوں تران کنان ءَ بنجاھی وزیر انجینئر امیر مقام ءَ گوشت کہ آ حضرت امام حسین ءُ آئی ءِ ھمراھ آناں شرپداریں وھد ءَ ظلم ءِ ھلاپ ءَ جنگ ءُ بے دروریں قربانی داتگ آناں شرپ ءُ شان ءِ درشانی کنان ءَ گوشت۔ کلیں مسلمان وتی قربانی ءِ ارزشت ءَ دار اَنت ءُ آیانی قربانی مدام یات کنگ بنت۔ آئی ءَ گوشت کہ مزن وزیر محمد شہباز شریف ءِ سروکی ءَ استیں حکومت ءَ بازیں اقتصادی مول ءُ مراد سرجم کتگ، مئے حکومت ءِ دلگوشی ءِ آیوکیں مول ءُ مراد الس آناں گیش ءَ چہ گیش ریلیف پجاری کنگ انت۔ آئی ءَ گوشت کہ پاکستان مئے گس انت مارا درست وتی وتن ءِ دیمروئی ءُ وشھالی ءَ را اولی رنگ ءَ بہ دئیں۔ پاکستان ءِ بابت ءَ پیسر گپ جنگ بیت، باقی گپ رند ءَ کنگ بیت۔ انجینئر امیر مقام ءَ گوشت کہ اللہ تعالیٰ ءِ فضل ءُ کرم ءِ سبب ءَ سول ءُ ملٹری ءِ سروکی ءُ فورسز ءِ روح ءِ سبب ءَ اللہ تعالیٰ ءَ مارا ہندوستان ءِ وڑیں مزنیں ملک ءِ سر ءَ سوبمندی دات، ایشی ءِ سر ءَ سرجمیں راج ءَ را مبارک بات کناں۔ اے راستی ءِ جنگ ءَ پد دنیا ءِ نکشہ ءِ سرا یک نوکیں پاکستانے پیداک بوت ءُ سرجمیں دنیا ءَ سبزیں پاسپورٹ ءِ عزت ءُ شرپ گیش بوت۔ فیلڈ مارشل سید عاصم منیر مئے ستک انت کہ آئی ءَ دژمن ءِ سرا چونیں شکست داتگ۔ مزن وزیر شہباز شریف ءَ گوں دژمن ءَ جنگ ءِ وڑیں جاورحال ءَ وھد ءِ پیسلہ کتگ۔ ما اے جنگ ءَ زمینی، ھوائی محاذ ءُ سفارتی محاذ ءَ جتگ۔ دژمن انگت پاکستان ءِ سرا اُرش کنگ ءِ موہ ءِ ودار ءَ انت بلے مزن وزیر شہباز شریف ءُ فیلڈ مارشل سید عاصم منیر ءِ نزیکیں ہمگرنچی، فوج ءُ مہلوک ءِ روح ءِ سبب ءَ اے وڑیں درستیں اُرش بے سوب بنت۔ آئی ءَ گوشت کہ فوجی ءُ سول قیادت ءِ اصول آنی سر ءَ بنیات ءِ بیانیہ ءَ پاکستان ءِ بیانیہ ءَ را دگنیا ءِ تہ ءَ سوبمند کتگ ءُ مودی ءِ بیانیہ ءَ را ناکام کتگ۔ بنجاھی وزیر ءَ پی ٹی آئی ءِ سر ءَ سک باز ایراد گپتگ ءُ گْوشتگ کہ آھانی اے بیانیہ کہ پاکستان ءِ فوجی ءُ سول سروکی ءُ ملک ءِ مردم یکیں تاک ءَ نہ اَنت ناکام بوتگ ءُ سول ءُ فوجی سروکی ءِ یکیں تاک ءَ بوھگ ءِ سوب ءَ پاکستان ءِ عزت ءُ شرپ برجاہ مانیت۔ انجینئر امیر مقام ءَ گشتگ تحریک انصاف ءِ سروکی ءَ ہر وھد ءَ کارکناں دروگ بستگ ءُ سبزیں باغے پیش داشتگ ۔ آئی ءَ تحریک انصاف ءِ کارکناں جست کتگ کہ شما عمران خان ءِ یلہ کنگ ءَ اسلام آباد ءَ برگ بوتگ اِت بلے گرانیں وھد ءَ شمئے سروک ھیلی کاپٹر ءَ سوار کجا شُتگ اَنت؟ تحریک انصاف ءِ کارندہ آں گوں تران کنان ءَ آئی ءَ گشتگ تحریک انصاف ءِ ایجنڈا مدام پاکستان ءِ ھلاپ بوتگ بلے نوں اے راج اے پاکستان ءِ ھلاپیں تحریک ءَ رد کنت ۔ انجینئر امیر مقام ءَ عمران خان ءِ یلہ کنگ ءِ ھاتر ءَ تحریک انصاف ءِ پالیسی ءِ سرا ایراد گپتگ ءُ گشتگ کہ شمئے ایجنڈا پاکستان ءِ ھلاپ انت، عمران خان ءِ حلاف ءَ آمیدگساں کیس جوڑ کنگ بوھگ ءَ انت، شما آمیدگس ءَ پیش بہ بئے ءُ وتی کیس ءَ جنگ بہ کن ات، دیم پہ دیم بوھگ ءِ بدل ءَ آمیدگس ءَ نزیک بہ بئے، اگاں شما بے گناہ گندگ بہ بئے گڑا آجو کنگ بہ بئے۔ تحریک انصاف ءَ گوں تران کنان ءَ آئی ءَ گوشت کہ ریاست ءِ سر ءَ اُرش کنگ ءِ بدل ءَ ریاست ءَ را مھکم بہ کن اَنت، کانود ءِ نفاذ ءِ ادارگاں مھکم بہ کن اَنت ۔ شمے سرکار سئے رند ءَ خیبرپختونخوا ءَ اتکگ ات بلے شما پہ استان ءَ چے کتگ ات؟ تو پہ آئی ءِ مردماں چے کُت؟ مئے ورناہ ھم لوٹ اَنت کہ میرٹ ءِ سر ءَ بے سودیں وام بہ زور اَنت، لیپ ٹاپ بہ زور اَنت، ءُ پنجاب ءِ وڑ ءَ دیمروئی بہ کن اَنت بلے اے مردم وت ماں وت ءَ زرّ ءِ بھر ءُ بانگ ءَ ھوار اَنت۔ بلے یک روچے کیت کہ صوبہ خیبرپختونخوا ھم مسلم لیگ (ن) ءِ سروکی ءَ دیم ءَ جنت ءُ گوں پنجاب، سندھ ءُ بلوچستان ءَ مقابلہ کنت۔ انجینئر امیر مقام ءَ شنگلہ ءُ ھاسیں رنگ ءَ پوران ءَ وتی دیمروئی منصوبگ آنی ذکر کت ءُ الس ءَ را دل یکیمی دات کہ ایشانی رند ءِ لوٹ ھم زوت منگ بنت۔ بازیں بنجاہی رہشوناں ہم مچی ءَ گوں تران کنان ءَ بنجاھی وزیر انجینئر امیر مقام ءِ منت گپت کہ آئی ءَ اولوچ ءَ بازیں دیمروئی منصوبہ بندات کتگ۔ آہاں لوٹ کتگ کہ امیر مقام ءَ چہ گیش دیمروئی منصوبہ بندات بہ کنت ءُ پیسرا چہ سرجم بوتگیں منصوبہ آں اپ گریڈ بہ کنت ھاسیں رنگ ءَ اولوچ ءِ مہلوک ءِ واستہ کم وولٹیج ءِ جیڑہ زوت گیش ءُ گیوار کنگ بہ بیت۔ ایشی ءَ چہ پیسر بنجاھی وزیر انجینئر امیر مقام ءِ آیگ ءِ سر ءَ مزنیں کساسے ءَ مردماں مسلم لیگ ن ءِ صدر پیسریگیں مزن وزیر نواز شریف ءُ صوبائی صدر انجینئر امیر مقام ءِ حق ءَ نعرہ چست کتگ ات۔ الس ءَ بنجاھی وزیر ءِ سر ءَ مالا جتگ ءُبنجاھی وزیر انجینئر امیر مقام ءِ منت گپتگ کہ آئی ءَ ھاسیں آسراتی داتگ۔
