راولپنڈی۔ 28 اگست (اے پی پی) بنجائی وزیر ریلوے شیخ رشید احمد پارینے کہ تدوک آ 23دے آن سفاک مودی دنیا ٹی عجیب ءُ وڑاس جوڑ کرینے، کشمیرنا پرفضاوادیک خاخر و دتر نا وادی تیٹی بدلینگنگ کیرہ، ننے کشمیری تتون تفوئی ءِ ورنہ تاریخ ننے معاف کپک، ننا دفاعی و اقتصادی ویل آک ءُ ولے ننتون 130 ملین ہندن ءُ ورناءُ ہرا پاکستان و اسلام آ کہینگ کن تیار ءُ، ننا فوج ہرا تیاری تے کرینے اوفتا فائنل راؤنڈ نا وخت بسنے، اگہ جنگ مس تو دا آخیریکو جنگ مریک، ننا خوش بختی ءِ چین کون آ سنگت ننتون سلوک ءِ، سیکولر و نہرونا انڈیا کسک و مذاکرات نا وخت چٹانے۔ داخیال آتا درشانی ءِ بنجائی وزیر ریلوے شیخ رشید احمد چارشنبے نادے آ پنجاب پڑک آف کالجز نا کنڈآن یوم اظہار یکجہتی کشمیر نا دود آن تران و اوکان پد میڈیا تون گپ و تران کرسا کرے۔ داوخت آ ڈائریکٹر پنجاب کالجز راولپنڈی اسلام آباد چوہدری محمد اکرم، استاد و طالب علم آتا بھلو کچ اس ساڑی ئسر۔ بنجائی وزیر پارے کہ اقوام متحدہ ویل آتے ایسر کتو، داسی راست انگا ہور آن پیش تمپک، عمران خان 27 ستمبر آ جنرل اسمبلی ٹی اہم ءُ تقریر اس کیک، وزیراعظم سہی پاہک مودی کون آ لیڈر بیوقوفانہ فیصلہ کیرہ۔ اسہ سوج اسے نا ورندی ٹی شیخ رشید پارے کہ کشمیر نا بابت وزیراعظم عمران خان نا پورو کوشست ئس کہ دا ویل ایسر مرے، داسہ او وخت بسنے۔ اوپارے کہ کشمیر اٹی جنگ مس تو عرب نا مسلمان چپ سلپسہ۔ اسہ پین سوج اسے نا ورندی ٹی شیخ رشید پارے کہ مولانا صاحب ءِ وخت بننگ آ پہہ کینہ۔ فضائی دنگ انا بارواٹی سوج اسے نا ورندی ءِ ترسا اوپارے کہ ای کیبنٹ نا فیصلہ ءِ پیشن ڈسکس کپرہ، امریکی صدر ٹرمپ بروک آ گچین کاری تا کنڈاہُننگ ءِ ولے ہرادے چین کننگ ءِ او حقی ءِ۔
