اسلام آباد ۔ 13اگست(اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ چین ءَ بھارت ءِ مقبوضہ کشمیر ءِ بابت ءَ بن گپ ءَ را رد کنگ مئے ھک بوھگ ءُُ راستی ءِ باج برئی انت، مزن وزیر عمران خان ءَ میاں اوستمانی دگنیا ءِ دیم ءَ کشمیر ءِ جیڈھ ءَ را سہرا کتگ اے رنگیں درور گوستگیں زمانگ ءَ نہ رس ایت ۔ کشمیری آنی وت واجئی ءِ واستہہ جہاد مئے درستانی زمہ واری انت ۔ کشمیری آناں مئے راجئی درشان ءِ ضلورت انت، بلاول بھٹو کشمیری آنی واستہ بٹاک زبرگ ءَ بند بکنت، اے ھیالانی درشانی آئی ءَ سیالکوٹ ءَ ’’ائید ملن پارٹی ‘‘ ءِ موہ ءَ ھال رسانکی در ءُُ پی ٹی وی ءِ سر ءَ شنگ ءُُُ تالان بوتگیں بیان ءِ تہ ءَ گوشت آ ئی ءَ گوشت کہ مئے دل گوں کشمیری آنی گوما ھواری ءَ جنت، آئی ءَ گوشت کہ وت واجئی ءِ در جنگ ءِ واستہ مئے لیکہ ھما انت ۔ آئی ءَ گوشت کہ بھارت زوراکی ءِ سر ءَ کشمیری آنی وت واجئی ءِ جوزگ ءَ را ڈگار ءَ جت نہ کنت ۔
