توسیعی رینج ءِ فتح 4 کروز میزائل ءِ سوبمندیں آزمائش پاکستان ءِ دیمپانی وت واجہی ءِ ھاتر ءَ یک ھاسیں گامگیج انت، چیئرمین سینیٹ

اسلام آباد۔7اکتوبر  (اے پی پی): سینیٹ ءِ چیئرمین سید یوسف رضا گیلانی ءَ پاکستان ءِ دینی رنگ ءَ جوڑ کتگیں فتح 4 کروز میزائل ءِ توسیعی رینج ورژن ءِ سوبمندیں آزمائش ءِ سر ءَ پاک فوج، سائنسدان، انجینئر ءُ دیمپانی ٹیکنالوجی ءِ ماہرین آناں مبارک بات داتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ ءَ یک کلوہ ءِ تہ ءَ گوشت کہ فتح 4 ءِ سوبمندیں آزمائش پاکستان ءِ گیش بوھوکیں سائنسی ءُ ٹیکنالوجی ءِ صلاحیت ءُ دیمپانی وت مہ وتی ءِ نیمگ ءَ یک ھاسیں گامگیج اِنت۔ آئی ءَ سائنسدان ءُ انجینئر آنی کوشست آناں ساڑات کہ آھاں نوکیں ایویونکس ءُ نیویگیشن ٹیکنالوجی ءَ گوں لیسیں نظام ءِ جوڑ کنگ ءَ کرد پیلو کتگ۔ آئی ءَ گوشت کہ اے سوبمندی پاک فوج ءُ ملکی سائنسی براتی ءِ پیشہ وارانہ ءُ صلاحیت آنی درشان انت۔ چیئرمین سینیٹ ءَ وتی جزم ءِ درشان کت کہ پاکستانی سائنسدان ءُ انجینئر نوکیں ٹیکنالوجی، راجی سلامتی، ءُ راجی دیمروئی ءِ تہ ءَ جوانیں کرد ءَ پیلو کن اَنت۔ چیئرمین سینیٹ ءَ سرجمیں راج ءَ را سوبمندیں آزمائش ءِ سر ءَ ھم مبارکی دات ءُ گوشت کہ اے وڑیں سوبمندی راجی اعتماد ءَ را گیش مھکم کنت ءُ ملک ءِ وت واجھی، ایمنی ءُ دفاع ءِ رکھینگ ءِ جزم ءَ را گیش مھکم کنت۔