مزن وزیر محمد شہباز شریف ءَ شمالی وزیرستان ءَ 13 فتنہ الخوارج ءِ ناشرکارانی کوش ءِ سر ءَ سیکورٹی فورسز ءِ افسر ءُ کارندہ آنی توسیپ

اسلام آباد۔7اکتوبر  (اے پی پی): مزن وزیر محمد شہباز شریف ءَ شمالی وزیرستان ءَ سیکورٹی فورسز ءِ سوبمندیں آپریشن ءِ تہ ءَ جوانیں رہشونی ءِ ھاتر ءَ افسر ءُ کارندہ آنی توسیپ کتگ کہ ایشی ءِ تہ ءَ 13 فتنہ الخوارج ناشرکار بیران بوتگ اَنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ سیکورٹی فورسز ءَ شمالی وزیرستان ءُ آئی ءِ کش ءُ گور ءِ دمگ آنی تہ ءَ فتنہ الخوارج ءِ پناہ گاہ آناں جوانیں رنگ ءَ نشانگ جوڑ کتگ ءُ گوشت کہ فتنہ الخوارج ءِ ھلاپ ءَ آپریشن تاں  ناشرکاری ءِ ھلاسی ءَ را سرجمی ءَ برجاہ دارگ بیت۔ ملک. مزن وزیر ءَ گوشت کہ استحکام ءِ وعدہ ءِ چیر دستی ءَ ناشرکاری ءِ ھلاپ ءَ جوانیں گامگیج ناشرکاری ءِ سرجمی ءَ ھلاسی ءِ واستہ ریاست ءِ بے دروریں جزم ءِ آدینک انت۔ ھما ناشرکار کہ گرانقدریں وطن ءِ امن ءُ ایمنی ءَ تاوان دیگ ءَ اَنت آھاں وتی بدیں نیتانی تہ ءَ سوبمند بوھگ ءِ اجازت نہ دیگ بیت۔