آئی ایم ٹی آنر 25 ءِ 3 گیش پاکستانی جہاز ءِ کارندہ وتی ملک ءَ واتر کنگ ءِ واستہ رھادگ بنت، درئی کارانی کارگس ءُ حکومت ءَ وتی ملک ءَ واتر کنگ ءِ واستہ ھرچ وڑیں کوشست کتگ، نائب مزن وزیر اسحاق ڈار

اسلام آباد۔7اکتوبر  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءَ گوشت کہ سومالیہ ءِ کش ءُ گوراں آوار جنگ بوتگیں ایم ٹی آنر 25 ءِ3 پاکستانی جہاز ءِ کارندہ ھم مرچی ادیس ابابا ءَ چہ درکپگ ءَ اَنت ءُ وش ءُ سلامت کراچی ءَ واتر بوھگ ءَ اَنت۔ چار شمبے ءِ روچ ءَ سوشل نیٹ ورک ءِ ویب سائٹ ’’ایکس‘‘ ءِ سر ءَ وتی پوسٹ ءِ تہ ءَ نائب مزن وزیر ءَ گوشت کہ ایم ٹی آنر 25 ءِ پاکستانی جہاز ءِ رند ءِ کارندہ عمران علی، حسین یوسف اور محمد یاسین  مرچی ادیس ابابا ءَ چہ درکپگ ءَ اَنت ءُ کراچی ءَ وش ءُ سلامت واتر بوھگ ءَ اَنت ءُ آ پدا وتی ھاندان ءَ گوں گند ءُ نند کن اَنت۔ آئی ءَ گوشت کہ پاکستان ءِ ادیس ابابا ءِ تر ءُ تاب ءَ 9باسک آں گوں گند ءُ نند کتگ ءُ اے گپ ءَ را دل یکیمی کنگ بوتگ کہ آ ادیس ابابا ءَ نندگ ءِ وھد ءَ آھاں ھمک رنگ ءِ آسراتی ءُ ازمت پجاری کنگ بوتگ انت۔ اسحاق ڈار ءَ گوشت کہ درئی کارانی کارگس ءُ حکومت پاکستان ءَ مزن وزیر محمد شہباز شریف ءِ سروکی ءَ توامیں پاکستانی جہاز ءِ جہاز ءِ کارندہ آنی جان سلامتی ءَ واتر بوھگ ءِ واستہ ھمک رنگ ءِ کوشست کتگ۔ آئی ءَ اے کوشست آنی کمک ءِ پد ءَ  درست آنی شگر گپت۔ نائب مزن وزیر ءَ گوشت کہ ما وتی الس آنی وشیں وطن ءَ واتر بوھگ ءِ سر ءَ وش آں بلے سئے پاکستانی جہاز ءِ   کارندہ آنی بیرانی ءَ چہ مارا سک دلپدردی  ءِ درشان کتگ۔ آئی ءَ دعا کت کہ اللہ تعالیٰ ایشاں معاف بہ کنت ءُ ایشانی ھاندان ءَ صبر ءُ استحکام بہ دنت۔ آئی ءَ گوشت کہ پاکستان دزّی ءِ ھلاپ ءَ جنگ ءُ میری ٹائم پرسنل ءُ سی لین آنی ایمنی ءُ ایمنی ءَ را دل یکیمی کنگ ءِ واستہ میاں اوستمانی شریک آنی گوما کار کنگ ءِ واستہ جزمیگ انت۔