بنجاھی وزیر منصوبہ بندی ءُ دیمروئی ءَ جماعت اسلامی ءِ  نائب  امیر ءَ گوں رابطہ کتگ، مزن وزیر ءَ جماعت ءِ ڈل ءِ زوتیں دیوان کنائینگ ءِ دل یکیمی دات

اسلام آباد۔7اکتوبر  (اے پی پی): مزن وزیر محمد شہباز شریف ءِ ھاسیں پنت ءُ شون ءِ رد ءَ وفاقی وزیر منصوبہ بندی ءُ دیمروئی پروفیسر احسن اقبال ءَ جماعت اسلامی لیاقت بلوچ ءِ  نائب  امیر ءَ گوں رابطہ کتگ ءُ مزن وزیر ءَ  گوں  جماعت ءِ زوتیں دیوان ءِ دل یکیمی داتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پروفیسر احسن اقبال ءَ مزن وزیر ءِ پیغام جماعت اسلامی ءِ امیر ءَ را سر کتگ۔ آئی ءَ لیاقت بلوچ ءَ را گوشت کہ جماعت اسلامی ءِ امیر ءَ گوں مزن وزیر ءِ گپ ءُ تران ءَ تپاک کتگیں گند ءُ نند زوت وت مہ وتی رضامندی ءَ بیت۔ پروفیسر احسن اقبال ءَ گوشت کہ الس ءَ را ریلیف پجاری حکومت ءِ اولی ترجی آنی تہ ءَ ھوار اِنت، ما نندیں ایشی ءِ سر ءَ گیش گپ ءُ تران کن ایں ۔ ایشی ءَ چہ پیسر مزن وزیر ءَ جماعت اسلامی ءِ امیر ءَ گوں ٹیلی فون ءِ وسیلگ ءَ رابطہ کتگ ات ءُ احتجاجی کال ءِ پچ گرگ ءِ بابت ءَ گپ جتگ ات کہ ایشی ءِ سر ءَ آئی ءَ احتجاجی کال مہتل کتگ ات۔