اسلام آباد ۔ 14 اگست (اے پی پی) مزن وزیر عمران خان ءَ 73ھپتاد ءُُ سیمی آزاتی ءِ روچ ءِ موہ ءَ ملک ءَ چہ ڈن نندوکیں ءُُ ملک ءِ اندرے نندوکیں پاکستانی آناں گوں جھلانکیں دل ءَ مبارکی پیش کنان ءَ گوشت کہ مرچیگیں روچ ءَ ما درس اے گپ ءِ پکو ءَ بکن آں کہ پاکستان ءَ را دیمروئی کنوکیں ءُُ وشھالییں ملک ءِ جوڑ کنگ ءَ وتی کرد ءَ پیلو کناں ، گہبودی ریاست ءِ واستہ مئے واستہ نمونگیں ریاست ریاست ءِ مدینہ ایگ انت ۔ مقبوضہ کشمیر ءَ استیں بھارتی گامگیج ءَ چہ مئے پیریں آنی گیش اینتگیں دو راجی لیکہ آناں پکوئی رستگ ۔ اے گپ آئی ءَ 73آزاتی ءِ روچ ءِ درگت ءَ 2019ءِ موہ ءَ وتی کلوہ ءِ تہ ءَ گوشت ۔ مزن وزیر عمران خان ءَ گوشت کہ 14اگست مئے راجدپتر ءِ جوانیں روچ ءِ ات، ایش مارا بے کساس کربانی آنی یات ءَ گیج ایت ۔ اے روچ ءَ وت مستریں ریاست ءِ برجائی کنگ بوتگ ۔ مزن وزیر ءَ گوشت کہ اللہ پاک ءَ پاکستان ءَ را بے کساس نعمت ءُُ آسراتی داتگ، ایش مئے روژنائیں آیوکیں باندات انت، قائداعضم محمد علی جناح ءِ ’’اتحاد، ایمان ءُُ تنظیم‘‘ ءِ جوانیں رھبند آنی رد ءَ ملک ءِ ھمک جیڈھ آناں گر ءُُ دار کنگ بیت کنت ۔ آئی ءَ گوشت کہ مرچیگیں روچ ءَ اے گپ ءِ ما پکوئی ءَ بکن آ ں کہ پاکستان ءَ را وشھالیں ءُُ دیمروئی کنوکیں مملکت ءِ جوڑ کنگ ءَ وتی سرج میں کرد ءَ پیلو کن آں ۔ آئی ءَ گوشت کہ آ وتی کشمیری برات آناں دل یکیمی دنت کہ ما آوانی گوما ھمگام ءَ اوشتاتگ آں ، پاکستان مقبوضہ ءُُ جموں کشمیر ءِ بہادریں الس ءِ گوما وت واجئی ءِ در جنگ ءِ کوشست ءَ سیاسی، اخلاقی ءُُ سفارتی کمک ءَ جاڑی دار ایت، مقبوض کشمیر ءَ استیں بھارتی گامگیج ءَ چہہ مئے پت ءُُ پیرک آنی دو راجی لیکہ آناں گیش پکوئی رستگ ۔ مزن وزیر ءَ گوشت کہ اللہ تعالیٰ وطن دوست آناں ریاست ءِ مدینہ ءِ رنگ ءَ بوھگ ، قائداعظم محمد علی جناح ءُُ علامہ اقبال ءِ لیکہ آناں گواچنی رنگ ءَ مٹ بوھگ ءُُ میاں اوستمانی راج ءُُ ملک ءَ را مادنیں کشک ءَ روگ ءَ مئے کمکار بات ۔
