راجی اسمبلی ءِ اسپیکر اسد قیصر ءَ راجءَ را ائیدءِ مراد بات ، گوں کشمیری اُلسءَ یکوئی ءِ درشانی

اسلام آباد ۔ 12اگست(اے پی پی) راجی اسمبلی ءِ اسپیکر اسد قیصر ءَ ائیدءِ نمازءَ پد راجی ءِ نامءَ کلوہ ءَ راجءَ را مراد بات داتگ ء ُ گوں کشمیری اُلسءَ یکوئی ءِ درشانی کتگ ۔ آئیءَ گشتگ کہ مزنیں ائید مارا حضرت ابراہیم علیہ السلام ءِ مزنیں قربانی ءِ یاتءَ گیج ایت ۔ دوشمبے ءِ روچءَ ائیدءِ موہءَ پاکستانی راجء ِ نامءَ وتی کلوہءَ راجی اسمبلی ءِ اسپیکر ءَ گشتگ کہ مرچی مارا ائیدگوں نیزوریں ، بے وسء ُ بزگیں کم تبک ءِ مردماں گوں گوازینگ لوٹ ایت ۔ راجی اسمبلی ءِ اسپیکر ءَ گشتگ کہ مرچیگیں روچءَ ما اے جزمءَ کناں کہ پہ ملک ء ُ راجءِ سلامتی ء ِ ھاترءَ ہرچ وڑیں قربانی دیاں ۔