اسلام آباد ۔ 12اگست(اے پی پی ) مزن وزیر عمران خان ءَ انوگیں ہورء ُ ہاراں پد کراچیءِ جاورھالانی نوٹس زرتگ، کراچی ءَ چہ گچین بوتگیں اسمبلی ءِ باسکاناں وتی حلقہ ساڑی بوہگءِ پنتء ُشون ۔ دوشمبے ءِ روچءَ ٹویٹرءِ سرءَ مزن وزیر عمران خان ءَ وتی کلوہءَ کراچیءِ جاورھالانی سرءَ گامگیج چست کتگء ُ کراچی ءَ چہ گچین بوتگیں راجی اسمبلی ءِ باسک ائید ء ُ آجوہیءِ روچ ء ِ درگتءَ موکلانی وہدءَ ہم اُلسءِ کمک ءَ بہ کن اَنت ۔ مزن وزیر عمران خانءَ پہ کراچیءَ حاسیں پیکیج ءِ بندات کنگ جار جتگء ُ گشتگ کہ پہ کراچیء ِ اُلسءِ آسراتی ءِ ھاترءَ پیکیج جوڑ کنگءَ اَنت ۔
