لائن آف کنٹرول ۔ 12 اگست (اے پی پی) پاک اُرد ءِ سروک جنرل قمر جاوید باجوہ ءَ دو شمبے ءَ باگ سیکٹر ءَ لائن آف کنٹول ءِ تر ءُُ تاب کت ءُُ مزنیں ائید ءِ اولی روچ ءَ وتی ماتیں وطن ءِ دیمپانی ءِ واستی مورچہ آنی تہ ءَ ڈیوٹی ءِ سر ءَ ساڑیگیں ورنا آنانی گوما مزنیں ائید ءِ اولی روچ گوازینت ۔ پاک اُرد ءِ شوبگ (آئی ایس پی آر) ءِ نیمگ ءَ جاڑی بوتگیں بیان ءِ رد ءَ پاک اُرد ءِ سروک ءَ اے موہ ءِ سر ءَ گوشت کہ حکومت ءِ مسئلہ کشمیر ءِ گیواری ءِ جزم مھکم ءُُ پکو انت ھمینکیاس مئے ایمنی ءِ واھشت انت ۔ آئی ءَ گوشت کہ بھارت مقبوضہ کشمیر ءَ چہ دگنیا ءِ دلگوشی ءَ گستا کنان ءَ کنٹرول لائن ءُُ پاکستان ءِ نیمگ ءَ تاب دیگ لوٹ ایت ۔ آئی ءَ گوشت کہ بھارت ءَ را مقبوضہ جموں کشمیر ءَ کتگیں لگت مالی ءُُ جرم آنی سر ءَ چادر پر دیگ نیلاں ۔ آئی ءَ گوشت کہ مئے دین ناں ایوک ءَ ایمنی ءِ سبک ءَ دنت بلکینگ ءَ مئے نیک راھی راستی ءِ گوما ھمگام ءَ اوشتگ ءُُ کربانی دیگ ءِ سبک ءَ ھم دنت ۔ آئی ءَ گوشت کہ ماکشمیر ءِ برات ءُُ گہار آنی گوما ھمگام ءَ اوشتاتگ آں ۔ آئی ءَ گوشت کہ ھمینکیاس کہ وھد بہ لگ ایت ءُُ ھمینچو کوشست کنگ تُری بہ بیت، ما درستیں چیلنج آنی انشاء اللہ برابری ءَ دیم پہ دیمی ءَ کناں ۔ پاک اُرد ءَ کشمیر ی آنی گوما یکوئی ءِ درشان ءِ واستہ سادگیں رنگ ءَ ائید ءِ روچ برجم داشت ۔
