صدر مملکت ڈاکٹر عارف علوی ءَ دو شمبے ءَ مزنیں ائید ءِ نماز فیصل مسجد ءَ ونت، ملک ءُُ راج ءِ واستہ ایمنی، دیمروئی ءُُ وشھالی ءِ واستہ دعا ءِ نیک کت

اسلام آباد ۔ 12 اگست (اے پی پی) صدر مملکت ڈاکٹر عارف علوی ءَ دو شمبے ءَ مزنیں ائید ءِ نماز ادا فیصل مسجد ءَ ونت ءُُ ملک ءُُ راج ءِ دیمروئی ءُُ وشھالی ءِ واستہ دعا ءِ نیک کت ۔ صدر مملکت ءَ مقبوضہ کشمیر ءَ بھارتی ظلم ءِ دیم پہ دیمی ءِ کنوکیں کشمیری برات ءُُ کشمیر ءِ جیڈھ آنی گیواری ءِ واستہ دعا ءِ نیک کت ۔ دو شمبے ءَ چاگردی تنج ٹویٹر ءِ سر ءَ وتی کلوہ ءِ تہ ءَ ڈاکٹر عارف علوی ءَ گوشت کہ مزنیں ائید حضرت ابراہیم علیہ السلام ءِ ٹوھیں کربانی ءِ یات ءَ تاجگ کنگ ءِ موہ ءَ دنت ۔ آئی ءَ گوشت کہ ’’مئے دل کشمیر ءِ نندوکیں برات ءُُ گہار آنی گوما انت آ کشمیر ءِ تہ ءَ بھارت ءِ لگت مالی ءِ آماچ انت‘‘ آئی ءَ مزنیں ائید ءِ موہ ءَ سرج میں راج ءُُ کشمیری برات آناں ائید ءِ مبارکی دات ۔ آئی ءَ گوشت کہ انشاء اللہ آزاتی ءِ روچ گیش گستا نہ انت ۔ آئی ءَ شہید آناں سلامت پیش کت ءُُ گوشت کہ آواں وتی جان آناں مئے ھاترا کربان کتگ ۔ آئی ءَ گوشت کہ کشمیری وتی آجوئی ءِ ھاترا بے دروریں کربانی دیگ ءَ انت ۔ صدر ءَ گوشت کہ پاکستانی راج وتی کشمیری برات آنی گوما ھمگام ءَ اوشتاتگ ءُُ آوانی واستہ وتی سیاسی، سفارتی ءُُ اخلاقی کمک ءَ جاڑی دار ایت ۔