اسلام آباد ۔ 10 اگست (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فروس عاشق اعوان ءَ گوشت کہ ایوک ءَ مسلمان آنی دمگ ءَ (مقبوضہ کشمیر) ءَ سپیشل سٹیٹس ءَ را ھلاس کنگ اے گپ ءِ درشان انت کہ ہٹلر ءِ رنگیں ساچست داروکین مودی جنگولی ھیال ءُُ لیکہ انت، مودی ءِ کانود ءَ چہ ڈن گامگیج ءِ سبب ءَ بھارت ءِ وت جوڑیشت کتگیں دمگ ءِ ھوار کنگ ءِ بابت ءَ مسل رد اَنت ءُُ کشمیر مرچی 26اکتوبر 1947ءِ پوزیشن ءِ سر ءَ انت ۔ شمبے ءِ روچ ءَ چاگردی تنج ٹویٹر ءِ سر ءَ کلوہ ءِ تہ ءَ گوشت کہ چین دگنیا ءِ تہ ءَ برز لھڈ بوھوکیں ھاٹیگ، بزگیں کشمیری آنی کمک ءُُ پاکستان ءِ بن گپ ءِ منگ ءِ پد ءَ ما وتی جوانیں دوستیں ملک ءِ شگر ءُُ منت وار آں ھاسیں کمکار ءَ گوشت کہ چین ءَ یک رند ءِ پد ءَ مسئلہ کشمیر ءِ سر ءَ پاکستان ءِ کمک کنان ءَ سہرا کتگ کہ آ راستی ءِ ھمبراہ انت ۔ ڈاکٹر فردوس عاشق اعوان ءَ گوشت کہ دوئیں ملک آنی نیام ءَ دوستی ءُُ نزیکیں یکوئی ءِ لوٹ انت کہ پاکستان وتی دوست ءَ را مودی ءِ سیاھیں گامگیج ءِ پد ءَ سئیگ سرپد بکنت ۔ آئی ءَ گیش گپ جت کہ اقوام متحدہ (یو این ) ءِ سیکرٹری جنرل ءَ تچک ءَ گوشتگ کہ بھارت اے وڑ مہ کنت، ایش پاکستان ءِ بن گپ ءِ ترجمانی انت ۔ آئی ءَ گوشت کہ مسئلہ کشمیر ءِ گیوار سلامتی کونسل ءِ منوگری آنی رد ءَ بہ بیت ۔ مودی ءِ انوگیں گامگیج جمہوریت ءُُ میاں اوستمانی کانود آنی سر ءَ ارش کنگ انت ۔
