اسلام آباد ۔ 10 اگست (اے پی پی) مزن وزیر عمران خان ءِ سروکی ءَ پاکستان تحریک انصاف (پی ٹی آئی) ءِ حکومت ءَ ایوک ءَ 9ماہ آنی تہ ءَ اکتوبر 2018 ءَ بگر تان جون 2019ءِ ساھت ءَ توان ءِ بل آنی گرگ ءِ تہ ءَ 121 ارب کلدار ءِ گیشی بوتگ ۔ پاور ڈویژن ءِ داتگیں رپوٹ ءِ رد ءَ اے ساھت ءَ توان ءِ شنگ ءُُ تالان ءُُ بھر ءُُ بانگ ءِ تہ ءَ تاوان 1;46;4 درسد ءِ کمی بوتگ ایشی ءَ چہ راجی ھزانگ ءَ را 160ارب کلدار ءِ بچت بوتگ ۔ رپوٹ ءِ رد ءَ توان ءِ بل آنی بچ اتگیں زرّ آنی گرگ ءِ گامگیج ءِ ساھت ءَ توان ءِ بھر ءُُ بانگ کنوکیں کمپنی آنی نیمگ 8ارب کلدار ءِ ریکوری ھم کنگ بوتگ ۔ ایشی ءَ ابید توان ءِ دُزی ءِ گر ءُُ دار ءِ واستہ بنگیج کتگیں ھاسیں گامگیج ءِ ساھت ءَ 13اکتوبر 2018ءَ چہ جون ءِ گڈ ءَ تاں زیرو ٹالیرنس ءِ پالیشی ءِ چیر دستی ءَ توان ءِ دُزی ءِ ھلاپ ءَ 36ہزار کیس ھم جم کنگ بوتگ ءُُ 5ہزار 318توان دزئی کنوک آناں گرگ ءَ ھوار گامگیج ءِ ساھت ءَ 1;46;37ارب کلدار در جنگ بوتگ ۔
